瀛火日式放題

营业中

休息中

🐷真系好劲，连香港仔新开既放题都要唔放过，带我去食☺️重点一定要订座，幸好🐷醒，一早订座。唔好以为香港仔开放题就求求其其，瀛火绝对做得出唔用qr code 无漏单，而staff又劲有heart服务周到，上碟快，食完又立即收碟，不停食食食，食足够时间。话明放题，一定有刺身走唔甩，刺身肥美鲜嫩，连🐷话平时唔食荣螺，都话呢间刺身够新鲜值得encore. 我自己就喜欢花之恋，呢度仲有我爱既油甘鱼整成白之恋❤️所有手握寿司都好有特色。平时食手卷食得多，雪糕筒做手卷我又真系未试过，两款芥末八爪鱼同芝士蟹籽雪糕筒真系好夹又够脆。天妇罗真系即叫即炸，上碟既时候仲热辣辣✔️熟食可以话全部都好食，真系上碟都仲出烟，唔好以为得日式食物好食，泰式食品白凤爪，泰式冬荫功，飞天通菜，唔叫真系走宝。铁板烧既羊架，牛仔骨，牛舌真系好入味❤️最后甜品，一定要食既系原个菠萝雪芭，无乜边度既放题会原只上，仲要系打成菠萝蓉，食得出真系成个菠萝上。有生啤，不过🐷话唔饮，饮王老吉，我唔理，点都要啤一啤❤️个晚见到唔订座，真系要等好耐，全场爆满，我决定要再订座，团年饭要再来吃👍🏻