Lab Eat Bistro (豉油街) (已結業)

旺角成日行过依间餐厅都觉得好Grand，难得有朋友都想试就试下。餐厅有三层，空间感十足，以工业风设计为主，灯光昏暗，但内在环境都好干净，枱同枱之间距离都好足。前菜西班牙红虾薄切，个红虾好重鲜味，再加上酸酸地既鱼子，好醒胃。火灸赤虾海胆酱樱花虾意大利饭，赤虾岩岩好熟，有少少刺身感觉，同样只虾好鲜，好食。个Risotto唔重忌廉，反而食得出满满既海胆味，入面仲有啲樱花虾仔，有日式既感觉。听讲依度扒都出名，于是叫左个特选级牛林上盖扒配蕃薯条。口感好淋好重牛味，点埋mustard /烧汁就锦上添花，不过今次个牛好食，唔洗其他都够。牛肉下面仲有薯蓉，都几幼滑。蕃薯条出奇地辣辣地，几正。饮品方面，依度都有酒同特饮提供。个样整得好靓。Cocktail酒味比较出带有少许果味，而Mocktail都比较甜啲，始终都系唔同果汁饮品混制。总结，依间餐厅用料上乘，好多时啲肉类同海鲜唔洗点啲汁去调味已经好好食。另外职员服务态度好好，环境好坐，好适合和朋友一齐黎锯扒Chill下。