蟹仙海鮮蒸氣鍋 (龍崗道)

营业中

休息中

天寒地冻嘅日子，约埋朋友去屋企附近食海鲜蒸气锅。呢间系九龙城龙岗道嘅「蟹仙海鲜蒸气锅」，闲日唔算多人，坐得好舒服，有唔同套餐选择，客人可以按自己喜好嘅海鲜选择，丰俭由人，店员都有强调佢哋嘅海鲜每日新鲜到港，绝对优质。今次选择左尊贵海鲜套餐。套餐HKD419一位，有十道菜：包左绿膏蟹、龙趸片、澳洲青年龙虾、台湾九孔鲍鱼、大西洋青口、野生海虎虾、斧山珍珠蚝、刀贝蚌、大元贝同有机蔬菜。店员会按味道由淡至浓，将各款海鲜放落蒸气锅蒸煮，凭佢哋嘅经验，每一款海鲜都蒸得恰到好处。今次呢个套餐大堆介系绿膏蟹、龙虾同九孔鲍鱼：绿膏蟹大只有肉，蟹味香浓鲜甜；龙虾够新鲜，可以整条虾肉脱壳，肉质结实而弹牙；鲍鱼有佢嘅鲜味，毋需任何酱油调味，已够鲜味，加上爽口弹牙嘅口感，唔错。海鲜蒸气锅点少得海鲜汁煮成的粥底，粥水配上粟米、菜脯、香葱等配料，鲜味又暖胃。最后，仲有甜品椰汁雪燕作结。大满足嘅用餐体验。