吉龍糖黑糖茶飲專賣店 (已結業)

啲人话系同老虎堂打对头 因为路过旺角又唔想饮普通嘅珍珠奶茶 见到呢间嘅装修 好似好霸气咁 忍唔住就试下 我嗌咗两杯冲绳珍珠厚奶 睇图都见到 珍珠唔算多 奶就相对比较多 佢用嘅系明治奶 加上冲绳黑糖再配珍珠 珍珠都几大粒 几有咬口 唔错可以食到有好香嘅黑糖味 但系杯奶茶 茶同奶嘅味道唔系好夹 可能加上珍珠都几浓味 有啲格格不入 同埋奶味太重 好似饮紧好甜嘅黑糖奶咁 不过 亦都唔算难饮因为佢做到好滑味道亦都几浓郁 只不过饮完又好饱嘅感觉 由于饮品嘅选择好少下次应该唔会再试