傳承清湯腩專家

营业中

休息中

第一次写食评，今次真心嬲到要出post！呢间野质素极参差。第一次食成旧水既骟牯肥牛河，系好食既。第二次再叫，骟牯肥牛变到又瘦又韧，反而老公叫个碗爽腩伊面有水准，肥瘦适中带啲爽口筋膜，汤底清甜，几唔错。今次决定all in，满心期待叫个净爽腩，点知个女侍应一上菜就将啲滚汤倒落我大髀！!痛到我惨叫！即刻入厕所冲水洗伤口，出到黎望住碗168蚊既所谓净爽腩，有5成系肥膏、3成系筋膜、2成系又瘦又无牛味既肉，汤就笔到满泻(所以倒泻哂啰)，总之视觉上就系一碗肥膏汤....畀成百七蚊，换黎一碗垃圾；交出信任，换黎既系背叛同肉体上既伤害，仲整污糟埋我条新牛仔裤.....呢间野我永不回头。