影片
更多
2021-03-21
869 浏览
分享食评之前， 想讲一讲是晚非常差既分餐体验，我哋book咗五点半入座， 其实餐厅confirm booking嘅时候有讲用餐时间系90分钟， 咁其实我都明白， 毕竟weekend嘛。到我哋坐到六点半嘅时候，侍应有同我哋讲喇last order。7点嘅时候同我哋讲够钟要还返张枱， 不过其实当时舖头有超过一半嘅枱系冇人坐， 我明白香港好多餐厅都会有用餐限时， 不过应该系当你餐厅好多客等紧位嘅时候用， 而唔系你餐厅仲有一大半嘅吉位，都仲去赶客唔知为乜。因为七点我哋未食晒，继续坐到七点半。 中间侍应提过我哋两次要还返张枱， 我都有好nice咁问返佢哋（ 其实隔离枱两位女士都同我哋有同样嘅问题），而家你哋有咁多吉枱，系咪有需要不停咁样催。 系催到我一饮完啖水放低只杯，五秒内佢即刻收走， 食完最后一只蚝， 一放低只叉佢又即刻收走 。完全系超级赶客，然后佢话因为嚟紧会有好多booking， 所以怕到时太急。 但系因为限聚令， 其实所有餐厅都闩十点，如果你间餐厅七点半都仲有大半座位冇人坐，我相信唔会八点钟突然间有几十人走入嚟赶你个last order。 如果你有好多人排队我都会即刻还返张枱畀你， 不
喺openrice见到五点半7折， 好似好抵所以约咗朋友黎食生蚝 。
铺头做紧优惠， 法国生蚝10蚊一只，其他就照菜单七折。
我哋当晚嗌咗猪手， 一人一份鹅肝多士， 牛油果蟹肉沙律， 两打生蚝同埋一支白酒。
餐牌上面鹅肝多士系一人份， 鹅肝好厚好大块， 配既应该系苹果蓉， 好满意～～
牛油果蟹肉沙律口感好清新， 配猪手食完美。
猪手对于两个女仔嚟讲， 好大份。我哋食净两件食唔晒😂
来到主角生蚝，其实我之前嚟过食，觉得啲生蚝几好， 不过今次嘅法国好好瘦， 瘦到冇乜口感不过10蚊只嚟讲都ok。
张贴
