一起果醬 (已搬遷) 新店位置

今日系第二次黎哩度，上一次黎系两个星期前，但真系好挂住d饮品，所以同老婆好快咁山长水远入多黎一次。由于带住只狗仔，所以只可以坐露天位置。间铺其实比较细，露天位置只可坐8-10人，而好多人都选择坐出面，所以suggest带狗的朋友要预早book出面的位。第一次黎我们叫了all day breakfast 同埋egg benedict , 个Al day breakfast 转左做牛角包，个牛角包又松软又香脆，真系十级好味！all day breakfast 的蘑菇好新鲜， bacon同sausage 都有质素，个炒蛋加埋芝士份外滋味！ 不过个egg benedict 冇咩特别。 第二次黎encore了all day breakfast , 另外叫了士多啤梨酱ribs, 个ribs好淋好滋味，配菜的薯角唔油脷好新鲜，点士多啤梨jam食一流！到饮品喇。冻桂花苹果茶，赞！桂花味浓郁，苹果味鲜甜！冻士多啤梨茶红茶，老婆至爱，第一次饮用jam冲的饮品，估唔到咁match又有新鲜感！番到屋企后，我们即刻自己用屋企剩余的jam去自己冲来试下，咁当然冇哩度的咁好饮啦！所以第二次黎的时候顺便扫多两罐果ja