榮耀餐廳 (已易手) 新餐厅

大围单车游后，个个都话返去食饭，我呢啲无饭既小人，唯有一枝公揾野食，行下行下行到黎田心邨，田心邨我都无黎过，周围行完好攰了，揾间坐低食。              叫左个荣耀推介：安格斯肉眼扒拼吉烈虾配薯菜，仲可以拣意粉/饭！价钱唔平，$188，我仲加左$18升级套餐，无办法，我饿到食得落只牛...是日餐汤系忌廉薯仔汤，汤仲加送四粒面包糠，汤黎到已经闻到好香薯仔味，我加左黑椒，令个汤更好味！汤有阵薯仔味，味道好甜，除左见到系白色之外，忌廉味唔多，反而薯仔味好够，是食材本来那种甜味。牛扒碟上，我拣了五成熟，又有薯菜又有意粉，另配烧汁，牛扒唔算厚，虽然五成，但切开都唔难，唔需要好大力，牛扒唔落烧汁都够晒Juicy，入口啲牛肉汁必出黎，又香又So，我钟意这种So味，肉质柔嫩，入口咬到两啖已经有融化既感觉。配菜有菇、薯仔，加埋意粉劲饱呢！饮品冻柠茶少冰，唔好以为颜色好深会好苦涩，幸好柠檬靓，甜度够，少冰左都唔觉得苦涩呢！成头牛已经食完啦，又要步行返屋企，当做下运动啦！