影片
更多
2021-08-19
1015 浏览
阿爷烧鹅，大围开业年半，睇住佢由好好好食，变咗劣食。大大话话帮衬过三几十次，以前啲半肥瘦叉烧，真系极品。大约半年前开始，有啲唔对路，唔知系咪来货差咗，连续几次外卖半肥瘦叉烧，返到屋企都系鞋过柴皮，就算叫肥叉，都冇分别。终于早几个月前，同收银反映，佢推介我买「肥㶶腩叉」，贵$20一斤，成惠$150一斤，不过就保证半肥瘦。又即管试下 ...哗，不得了，真系件件半肥瘦兼黏口，食完个个赞不绝口。如是者，次次帮衬都一定包括呢样。最近几次，问题又再出现，早几次，「肥㶶腩叉」返到屋企，竟然变咗柴皮瘦叉。心谂唔通搅错？上一次，老婆话，哗乜咁肥架 ...上星期六，斩料返外母度食饭，点知今次仲过分，除咗上边几件，系真正嘅「肥㶶腩叉」之外，下边全部都系全肥叉。企档斩叉烧的，冇可能唔知道斩咗啲乜嘢比客，太过份！下边图中，其实全肥的仲有2、3件，不过用筷子夹走咗，影唔到 ...当下九秒九致电投诉，回家前再揸车返舖头比相佢睇，我唔系要求回水，只系叫佢比老细睇下，企档师傅点样斩料比客。好嬲，永冇下次！
大大话话帮衬过三几十次，以前啲半肥瘦叉烧，真系极品。大约半年前开始，有啲唔对路，唔知系咪来货差咗，连续几次外卖半肥瘦叉烧，返到屋企都系鞋过柴皮，就算叫肥叉，都冇分别。
终于早几个月前，同收银反映，佢推介我买「肥㶶腩叉」，贵$20一斤，成惠$150一斤，不过就保证半肥瘦。
又即管试下 ...
哗，不得了，真系件件半肥瘦兼黏口，食完个个赞不绝口。
如是者，次次帮衬都一定包括呢样。
最近几次，问题又再出现，早几次，「肥㶶腩叉」返到屋企，竟然变咗柴皮瘦叉。心谂唔通搅错？上一次，老婆话，哗乜咁肥架 ...
上星期六，斩料返外母度食饭，点知今次仲过分，除咗上边几件，系真正嘅「肥㶶腩叉」之外，下边全部都系全肥叉。
企档斩叉烧的，冇可能唔知道斩咗啲乜嘢比客，太过份！
下边图中，其实全肥的仲有2、3件，不过用筷子夹走咗，影唔到 ...
当下九秒九致电投诉，回家前再揸车返舖头比相佢睇，我唔系要求回水，只系叫佢比老细睇下，企档师傅点样斩料比客。
好嬲，永冇下次！
张贴
