影片
更多
2021-12-07
158 浏览
恒香老婆饼绝对系元朗，甚至系代表香港嘅伴手礼。虽然恒香老饼家喺港九新界有唔少分店，但想坐喺度慢慢叹番件新鲜热辣嘅老婆饼，再加杯茶香奶滑嘅奶茶慢活人生，依家喺上环就开咗全港第一间恒香冰室喇！恒香冰室除咗恒香最出名嘅老婆饼之外，仲有唔少唐饼、面包、蛋挞同冰室茶档美食，加上店内播放怀旧广东音乐，充满港式情怀。老婆饼、叉烧酥店内有驻场整饼师傅，不定时新鲜出炉！我哋呢个老婆饼就够晒热辣辣，外层脆皮好松化，入面嘅冬瓜蓉非常软腍，口感形成强烈对比！至于同样松化嘅叉烧酥，叉烧份量十足，蜜味香浓。招牌浓汤沙嗲牛肉公仔面配火腿炒滑蛋及奶油多士讲到冰室必备嘅又点少得沙嗲牛肉面呢？沙嗲酱非常浓郁，面底软硬度适中，都几挂汁架！牛肉就正正常常，份量都几多，完全无筋。跟餐除咗饮品，当然仲有呢份超滑而且蛋香十足嘅火腿炒滑蛋，真心唔错。恒香招牌炒饭炒饭即叫即炒，够晒镬气！配料除咗有虾，仲有恒香招牌嘅腊肠，粒粒饭粒都充满腊肠油香，好好味呀。严选美国西冷拼牛仔肠除咗常餐同中式炒饭之外，恒香冰室仲有铁板餐添！呢个铁板餐跟餐仲有意粉、奶油吐司同餐汤，真系好丰富呀！西冷好大块，加上厚切，真系好有口感，加上生熟度适中，所以肉质软腍
老婆饼、叉烧酥
店内有驻场整饼师傅，不定时新鲜出炉！我哋呢个老婆饼就够晒热辣辣，外层脆皮好松化，入面嘅冬瓜蓉非常软腍，口感形成强烈对比！至于同样松化嘅叉烧酥，叉烧份量十足，蜜味香浓。
招牌浓汤沙嗲牛肉公仔面配火腿炒滑蛋及奶油多士
讲到冰室必备嘅又点少得沙嗲牛肉面呢？沙嗲酱非常浓郁，面底软硬度适中，都几挂汁架！牛肉就正正常常，份量都几多，完全无筋。跟餐除咗饮品，当然仲有呢份超滑而且蛋香十足嘅火腿炒滑蛋，真心唔错。
恒香招牌炒饭
炒饭即叫即炒，够晒镬气！配料除咗有虾，仲有恒香招牌嘅腊肠，粒粒饭粒都充满腊肠油香，好好味呀。
严选美国西冷拼牛仔肠
除咗常餐同中式炒饭之外，恒香冰室仲有铁板餐添！呢个铁板餐跟餐仲有意粉、奶油吐司同餐汤，真系好丰富呀！西冷好大块，加上厚切，真系好有口感，加上生熟度适中，所以肉质软腍，又juicy！
张贴
