牛石料理 (已結業)

男朋友升职加薪话带我去食好野㖞，佢知我钟意食日本野，于是带咗我去九龙城食好野。九龙城多泰国餐厅呢样众所皆知，但除咗泰国野，仲有好多异国风味嘅野食。今日黎到牛石料理，入门口前已经见到一个个鱼缸装住好生猛嘅龙虾同长脚蟹，瞬间对餐厅嘅食物质素非常有信心。店内以卡位为主，私隐度好够，大啖大啖品尝美食都唔怕失礼。首先出场嘅系海胆丼，海胆好肥美好creamy亦好新鲜 ，份量好多，叠起成个小金字塔咁，睇见就开心，用紫菜夹埋吞拿鱼，一流！超好食。另一铺头非常推介嘅系蓝龙虾，蓝龙虾产量唔算多，成日缺货，今日终于有机会一尝佢嘅滋味，我地嘅系芝士烧半边虾加卷物，芝士味道浓郁，同龙虾好夹，卷物内含龙虾肉，比以往食嘅蟹柳，味道同口感都高下立分，非常推荐。店员都非常friendly，面带笑容咁招呼客人，唔洗举手都会自动帮你斟茶，好细心好有人情味，野食同服务都一流，希望有机会再黎过。