桂花小幸 (將軍澳廣場)

营业中

休息中

🥤🧋芝士奶蓋阿華田男朋友最愛，呢個阿華田加咗芝士奶蓋真係超正！我都覺得好好飲，奶蓋濃厚得嚟帶少少鹹香味，配埋阿華田嘅巧克力味，好creamy！估唔到兩個夾埋會咁夾，仲要好大杯，飲得開心過癮～🍠🧋 賞味香芋奶茶諗住試吓新嘢，點知好有驚喜。呢杯香芋奶茶香味十足，我想食奶蓋，所以加咗芝士奶蓋，不過下次我會覺得就咁飲好飲啲。佢冇芋泥，淨係香芋嘅味道，不過我覺得好香，我好鍾意飲。🍚🐔滷水蛋牛腩（雞肉飯）滷水蛋好入味，牛腩煮得好腍，雞肉有好多，唔會太鹹。🍅🍜番茄酥炸排骨台灣麵（番茄湯）番茄湯好濃郁，帶少少酸甜味，飲落好暖胃，入面都有好多蕃茄肉。酥炸排骨好香脆，有台式街頭小食嘅感覺，好大份！