武士拉麵 (已結業)

今次同朋友分别叫左蕃茄猪骨汤底既坂上将军拉面同盐味猪骨汤底既织田将军拉面。顾客可按个人喜好去拣汤底既浓度，拉面嘅面质同粗幼度。我地2碗都系全部野拣哂普通，但略嫌面质都系有少少偏硬，下次可以叫软身。而且成碗面份量都好多，正常食量既女仔应该食唔哂。汤底方面，猪骨汤底味道唔算太浓，唔算好特别，一般拉面汤底既味道。反而蕃茄汤底好浓郁，好开胃，食落冇咁漏。枱上有建议加特制鱼油，但其实冇乜鱼味，又增加成碗面既油腻感，唔加都冇损失。用火枪烧过既叉烧系大惊喜，有一阵焦香味，肥瘦都适中，好正！但加钱加既溏心蛋就有d失望，唔算好入味又唔算好溏心。拉面店细细间，用左传统日式拉面店设计，老板好talkative会主动同你打牙骹，就算自己一个去食都唔会闷，会下次去试埋其他将军拉面。