薄荷葉泰國菜

营业中

休息中

餐厅环境好有气氛，好钟意佢啲吊灯，好有异国风 • 情。甜柚鲜虾沙律个摆碟好靓啊，柚子同虾都好多，夹埋我至爱既干葱一齐食，酸酸甜甜脆脆够哂开胃。呢个细既冬荫公汤都不到四五碗，仲有两只虾架，味道十分正宗。泰式炒金边粉好得意啊，只虾楝企既！？个蛋网亦做得好薄，加啲青柠汁，yummy 。什锦小食，鱼饼虾饼春卷各有特色，重点注意系个串烧猪肉，平时我去泰国野嗌串烧好少嗌猪，不过呢度既猪嫩滑得黎又有少少猪味，肥瘦度适中，腌味亦唔会过火，推介。椒盐魔鬼鱼，我好钟意食魔鬼鱼，除左钟意佢既肉质够特别，介乎于鱼肉同鸡肉既特别口感之外，仲好钟意佢啲软骨，同埋唔系度度有得食呢，之前食过烧魔鬼鱼之后几乎每次见到餐牌有都会嗌黎食。今次见到当然都唔会错过啦，不过个人觉得魔鬼鱼都系烧好食啲，同埋如果炸得脆啲同啲肉厚啲就好喇。最后加多个马拉盏椰菜苗，两个人捧住个肚离开。