影片
更多
2017-12-09
3023 浏览
正所谓出外靠朋友，事缘几个月前已帮公司订铜锣湾金满庭厢房进行午餐例会，会前一星期再打去确认，以防万一，点知话我哋无订房纪录，仲要话如果要订房尽快落嚟交订金。因为帮衬咗十几年，同啲经理颇熟稔，所以，一向都豁免啲繁文缛节，依家一句话转晒人，上面要求样样要执正嚟做，真喺激气。今晚，同一班旧同学嚟金满庭，不过，大家都喺九龙人，拣钻石山店自然理所当然，其次同经理相熟，招呼好啲。几家金满庭都光顾过，呢家钻石山店算最细，一入门口整个大堂都睇晒，而我哋所订嘅房晌大堂最埋一角，虽然话喺房，其实喺开放形式，数条柱隔住，内外视线通透。个房基本喺坐12人，我哋有大有细一共14位，难免有少少逼。间间金满庭嘅生意都几火红，订枱喺常识，而晚市间间分店更分两节，我哋有小朋友当然唔好食咁夜啦，所以，拣第一节（5:45-8:15pm），最低消费$2,000。另外，中式酒家嘅惯常杂费，茶水巾芥$8位，餐前小食$20碟，我哋14人收4碟钱。下面仲有一段文字，大意喺叫啲客咪擅自拎走个餐牌，如欣赏据为己有，每本$500，真喺会有人偷走个餐牌？不过，呢度提供嘅茗茶有少少特别，唔喺一般惯常嘅寿眉、水仙，而喺人参乌龙、野生大叶普洱及玄
几家金满庭都光顾过，呢家钻石山店算最细，一入门口整个大堂都睇晒，而我哋所订嘅房晌大堂最埋一角，虽然话喺房，其实喺开放形式，数条柱隔住，内外视线通透。个房基本喺坐12人，我哋有大有细一共14位，难免有少少逼。
间间金满庭嘅生意都几火红，订枱喺常识，而晚市间间分店更分两节，我哋有小朋友当然唔好食咁夜啦，所以，拣第一节（5:45-8:15pm），最低消费$2,000。
另外，中式酒家嘅惯常杂费，茶水巾芥$8位，餐前小食$20碟，我哋14人收4碟钱。下面仲有一段文字，大意喺叫啲客咪擅自拎走个餐牌，如欣赏据为己有，每本$500，真喺会有人偷走个餐牌？
不过，呢度提供嘅茗茶有少少特别，唔喺一般惯常嘅寿眉、水仙，而喺人参乌龙、野生大叶普洱及玄米茶，第一次试人参乌龙，无咩苦味㖞，反而甘中带微甜。
菜式分类为冷盘、热炒、招牌烤鸭、海产、蔬菜、豆腐、汤羹、饭面、包点、甜品等多项，少部份图文并茂，当中亦有唔少人气菜式推介。
另有一张「厨师推介」餐牌，背后就喺金满庭嘅十大名菜。
餐前小食 $20碟小食唔喺啲花生、菜脯，有芝麻合桃、酸辣青瓜、醉鸡，味道唔错，甜酸辣香，味道各有不同。晌等大家期间，食吓小食，刨吓餐牌。
四喜烤夫 $68佢哋有个五福临门大拼盘，可以拣5款冷盘，但唔喺全部都拣得，所以，索性散点4款。烤夫特别讨欢心，烤夫绵腍，云耳爽脆，仲有啲花生同金针，味道简单，却有益有营养。
四喜烤夫
$68
32 浏览
1 赞好
0 留言
一客薄切成十多片，好适合多人共享易分嘅冷盘，片片厚薄均一，外观望落去似似哋分蹄，又似似哋牛展，入口软腍却有咬口。
豆腐三文治 $70几有趣嘅一道冷盘，以三层滑豆腐夹住肉松、葱粒、腌菜，啲豆腐非常嫩滑而有豆香，而夹杂着唔同嘅食材令味道多层次。
山东手撕鸡 $108烧鸡撕成碎条，又喺另一道好适合人多共享嘅冷盘，鸡丝食起嚟肉质细嫩，沾点酱汁多添几分惹味。
山东手撕鸡
$108
41 浏览
2 赞好
0 留言
本身每份榨菜肉末跟一客叉子烧饼，我哋人多就额外点多两份烧饼（每份$36）。简单嚟讲就喺榨菜炒免治猪肉，放入烧饼一齐食，烧饼香脆，肉末浓香，夹埋一齐就喺滋味。
榨菜肉末
$108
24 浏览
1 赞好
0 留言
卖相就唔多靓仔，黑黑沉沉，但啲鱼块炸得外脆内嫩，层脆浆无过厚嘅问题，而个糖醋汁我就觉得调校得几好，酸香微甜唔会有呛喉感。
红烧元蹄 $248我哋呢班旧同学年纪有番咁上下，患胆固醇自然相对高啲，所以，今晚够人多就放肆啲点依道菜，正所谓人多好办事，叫做大家摊分个「风险」啰。买相做得不俗，落刀已感到肉质嘅松化感，入口脂盈甘香，肉质软腍，唯啲脂肪未做到即化嘅感觉，仍带有少少油腻感。但只卖二百零咁大份，已好抵食。
百页小棠菜 $86一道红烧元蹄，当然要揾番啲蔬菜嚟降番低啲风险，所以，一口气点3道蔬菜。先嚟比较清淡嘅百页小棠菜，啲百页比较碎湿湿，但味道算OK嘅。
烧汁酿茄子 $92似喺新派少少嘅菜式，茄子烧得软化味浓，并伴有唔少蜜糖豆、鲜百合做配菜，不过，茄子短短得一条，实在唔多够分，每人只喺一啖仔。
紫心蕃薯浸苋菜 $92虽然被列为十大名菜，但点都睇唔出有几十大。然而，本身啲食材喺几唔错嘅，紫心蕃薯粉香有蕃薯味，苋菜入口清爽，不过啲卖相跟餐牌就差天拱地嘢。
肉丝两面黄 $106怕大家唔饱，最后嚟两道炒粉饭面喺正路嘅选择。虽然啲肉丝冚晒上面，但隐若都睇到个两面黄煎先点，咬落脆口但感觉未够甘香，有人就觉得肉丝分开上会好啲，唔怕浸腍啲面条。
傻佬炒饭 $128傻佬炒饭一啲都唔傻佬，小弟觉得可以讲喺豉油皇炒饭，揾豉油炒过宁舍香，饭粒分明又爽身，饭内混有鲜虾、肉粒、葱粒、粟米粒，仲洒咗啲肉松，令个炒饭丰富好食。
傻佬炒饭
$128
48 浏览
1 赞好
0 留言
呢度啲高力豆沙一向有水准，所以，甜品时间点都要叫啲。每个高加豆沙都好大个，外皮松松软软，内里豆沙蓉填得满满，清甜不腻，又加入香蕉肉，正呀。唯一挑剔就梗喺糁糖霜可以做得靓仔啲，唔使咁随便。
高加豆沙
$18
26 浏览
1 赞好
0 留言
另一道沪式嘅经典甜品，再者，炸嘢一向有客路，点咗一定有人食。上枱趁热食，窝饼炸得香脆，豆沙清甜起沙，水准依然。
杞子芦荟桂花糕 $48因为一大棚人，甜品都喺揾啲易分享嘅选择，桂花糕就喺其一，一客9件，仲可以轧细一半，今次嘅桂花糕比较硬身少少，但满满桂花香及芦荟带嚟嘅口感，入口冰凉清爽。
黄金枣蓉 $46（图为两客份量）其实即喺煎堆仔，不过，以枣蓉为馅。外皮沾满芝麻，以所好有芝麻香，口感软糯，而咬开喺填满晒红枣蓉，枣味超澎湃突出，钟意枣味嘅朋友真喺唔可以错过。
今晚女多男少，加埋又有细路，所以，消费唔高。既然喺廿几年嘅旧同学聚餐，席间自不然有好多「当年今日」嘅话题，当中充满欢笑声，但最开心都喺睇到大家仲健健康康，行得走得，食得玩得。
张贴
