影片
更多
2014-08-21
4910 浏览
重庆鸡煲嘅热潮依然有增无减，不过，次次都喺麻麻辣辣嘅鸡煲，会唔会间唔中又多心想转吓口味呢？其实，小弟都几钟意食重庆鸡煲，不过，只限少辣程度，所以，无意中见到「南烧北锅」嘅「椰青嘉美鸡煲」，就好有想试嘅傻劲。「南烧北锅」位处加拿芬广场2楼，一出电梯见到人山人海，唔喺咁旺呀嘛！原来大部人都喺晌度等隔离铺「茶木」嘅位，入到餐厅内，一样唔少客，枱櫈拍得密麻麻，环境如一贯中式火锅店格局，深啡木圆枱，嵌入式电磁炉，挂墙大电视（播紧无线师奶剧）……。「南烧北锅」日头卖点心，夜晚有做小炒，不过主打为火锅，而火锅依一瓣亦跟出面火锅店无乜两样，全部散叫无任点任食。详情唔嘥口水讲，扫描咗佢张火锅点菜纸俾有兴趣嘅朋友参考。而今趟目标喺椰青嘉美鸡煲，所以，点餐无乜悬念。虽然可以好似一般打鞭炉咁，点个椰青嘉美鸡煲汤底，再加其他火锅配料，但两公婆净喺个鸡煲都饱咗大半啦，仲可以食到几多嘢吖。故此，佢哋有个套餐，$148一位（二位起），已包埋$20位嘅酱料费，另外俾番前菜及加一。整个套餐（以两位计）包括椰青嘉美鸡煲汤底（半只鸡）、日本黑豚肉、三宝丸、响铃、田园时蔬、自家鲜制手作面、汽水 / 红酒 / 特饮（两杯）及特制
「南烧北锅」位处加拿芬广场2楼，一出电梯见到人山人海，唔喺咁旺呀嘛！原来大部人都喺晌度等隔离铺「茶木」嘅位，入到餐厅内，一样唔少客，枱櫈拍得密麻麻，环境如一贯中式火锅店格局，深啡木圆枱，嵌入式电磁炉，挂墙大电视（播紧无线师奶剧）……。
「南烧北锅」日头卖点心，夜晚有做小炒，不过主打为火锅，而火锅依一瓣亦跟出面火锅店无乜两样，全部散叫无任点任食。详情唔嘥口水讲，扫描咗佢张火锅点菜纸俾有兴趣嘅朋友参考。
而今趟目标喺椰青嘉美鸡煲，所以，点餐无乜悬念。虽然可以好似一般打鞭炉咁，点个椰青嘉美鸡煲汤底，再加其他火锅配料，但两公婆净喺个鸡煲都饱咗大半啦，仲可以食到几多嘢吖。
故此，佢哋有个套餐，$148一位（二位起），已包埋$20位嘅酱料费，另外俾番前菜及加一。整个套餐（以两位计）包括椰青嘉美鸡煲汤底（半只鸡）、日本黑豚肉、三宝丸、响铃、田园时蔬、自家鲜制手作面、汽水 / 红酒 / 特饮（两杯）及特制甜点，个人觉得抵食划算。
酱料前菜有一小兜腌萝卜，酸爽微辣，叫人食得甚开胃。而本身$20位嘅酱料费就只有柑桔、豉油、姜粒、辣椒、芫茜，选择较少，做得比较hea。
特饮一杯要酸梅汤，另一杯要柑桔蜜，好过成日饮汽水啦。另外，亦可以拣竹蔗水、柚子茶依几类较健康嘢饮。
椰青嘉美鸡煲一嚟个锅内已有莲子、马蹄及竹笙，以及两个椰青及一支蒸馏水，见识少嘅小弟仲以为支蒸馏水喺俾我哋饮，原喺喺连埋啲椰青水加入煲内滚起，此外，侍应仲会帮你刮埋啲椰青肉入煲内一齐煮。
之后，个汤滚起就加晒碟嘉美鸡落去煮，店方仲俾个5分钟嘅流斗时计，够钟表示鸡熟啱啱好，收细火慢慢食。香港本地嘅嘉美鸡嘅卖点喺低脂肪、含丰富骨胶原、无激素、更无添加，碟鸡有晒成副鸡肝鸡肾，新鲜鸡嘅证明，绝对喺健康之选！
个汤温而不燥，椰青味淡雅清甜，所以，未再入加上汤打边炉之前，都先多饮几碗。而鸡件真喺煮得啱啱好，鲜味肉滑，椰青肉都喺第一次煮完先食，质感依然好滑好清，味道不俗。所以，最后锅内嘅鸡件、椰青，仲有莲子、马蹄、竹笙都被我哋一扫而空。
日本黑豚肉咪睇佢好似好大碟，完全喺靠啲椰菜丝垫高晒，其实成碟黑豚只有4大片，幸而质素又真喺唔差，烚后虽然唔算好滑，但都可以叫做肥而不腻，又有点肉香，晌啲豉汁上加啲柑桔汁，再蘸黑豚肉食，感觉更唔同。
田园时蔬一整碟时蔬有小棠菜、绍菜、冬菇、本菇、金菇、藕片、粟米、芋丝，粟米超甜，可惜只得两细件，而其他蔬菜都新鲜OK。
三宝丸、响铃、自家鲜制手作面三宝丸中嘅猪肉丸较弹牙好食，而牛丸较实，龙虾丸不嬲都喺得个名架啦！响铃轻灼，半脆半腍，不过不失，而个自家鲜制手作面好似得𠮶少少，但煮起会有少少发涨，够两个人食，面质烟韧，有啲似台湾嘅关庙面。总之，食埋个面就真喺饱到上心口。
特制甜点一般中菜或火锅店话包甜品，唔喺红豆沙，就喺西米露，不过，晌度所送嘅甜品势估唔到喺隔离铺「茶木」出品嘅雪糕厚多士。点解咁笋，因为南烧北锅同茶木都同属太兴烧味啰，真喺意外惊喜，唔晒排餐蒙都有茶木厚多士食。不过，份厚多士就做得hea啲，只喺加上一球糁满椰丝嘅云喱嗱雪糕，以及唧上朱古力浆，件多士微暖带脆，所以跟雪糕未能做到好冰火嘅感觉，但整体都算唔错。
以两个人计，食完个椰青嘉美鸡煲都有半饱，加埋其余几碟配料一定好够一般人食，如果3个女生嚟食都应该够。万一唔够都唔紧要，可以额外追加其他火锅配料，当然要另外逐样计番钱啦！早段时间未喺好多人，环境都感觉阔落，及后客人多咗，就稍稀有啲密，而且十居其九都喺食火锅，好彩冷气够，唔会太热太焗促，招呼亦都好好，除咗帮我哋搞个汤底之外，更前后换咗3次碟，啲阿姐侍应又几好倾几好讲，最后贴士都醒多佢哋少少。
张贴
