DAMA (已結業)

好久不见嘅朋友约我食饭，佢已经预先话我知佢最近开始食素，所以就约咗我嚟K11呢度食饭。其实呢间DAMA我以前都有经过，我以为只系食甜品，原来佢呢度仲有主食，所以今日嚟到就一次过试晒呢度嘅主餐同甜品。餐牌有点复杂，不过职员就好有礼貌，亦好乐意讲解。首先我哋每人叫一份套餐，然后再share食。套餐只需$88，比起单点确系平啲啲。淮山面有和风紫菜同麻辣味选择，我就拣咗和风紫菜味。淮山面由天然淮山制成面条，有紫、白两种颜色，再配上百页豆腐、菇菌、豆类、沙律菜、紫菜，既健康又美味，酱汁分别有胡麻酱同和风酱，食客可自由选择酱汁嘅配搭同份量，对食客而言更有弹性。牛油果烧烤酱素菜卷份量十足，入面有牛油果、生菜、菇菌，配合酱汁，几醒神开胃。饮品方面，朋友拣咗招牌水果乌龙蜜，少甜而充满果香。而我就知道呢度出名火龙果，所以拣咗火龙果海盐杏仁奶盖乌龙茶，奶盖带有杏仁香味，火龙果味道突出，抵佢受欢迎。而且两杯饮品都大大杯，好抵饮！呢个盐烤百页豆腐好有惊喜，唔好睇佢其貌不扬，食落真系停唔到口，豆腐外面香口，内里好滑，感觉唔油腻，真系一个好好嘅小食。呢个甜品就最吸睛，以健康美味嘅纯素雪糕，配上鲜果同果仁，再加入鸡蛋