紅螞蟻 (已結業)

同妈咪喺沙田shopping，揾位下午茶，经过哩度唔洗等位，望落都几靓就坐低喇。餐厅卡位舒适，尤其左边楼底好高，下午时份阳光喺天窗透入，好好坐呀！望望餐牌，系最唔喜爱嘅中西fusion (即系例如叉烧汤意或豉椒焗三文鱼饭)。无紧要，选择都几多，拣最正常嘅先。叫咗椰香海鲜汤猪扒发丝面同埋炸鱼柳香槟汁蛋包饭。椰香海鲜汤好香呀，猪扒淋，发丝面似极幼米线，还附上几片生菜，比想像中好味。炸鱼柳都唔错，无雪味又唔会好干，所谓香槟汁即系忌廉汁？饭略嫌唔够汁，香槟汁变成名存实’忘’。侍应服务好好，很有礼貌。加上宽阔座位同充沛阳光，要tea一tea系几好选择。