影片
更多
2011-06-08
21 浏览
其实做得团购，都系想SELL下自己间舖，等多d人认识同帮衬，点解又搅到咁呢？居士买了团购，一向不去港岛开饭，见又话攞什么奖，又话几咁好味，咪上当啰！首先来个电话奇谈，原本谂住订中午，佢话full，咁不如2点，又话无位，咁5点啦，又话惊7点交枱怕我地食唔切，咁都就够期又唔会点过海，5点咪5点啰，佢地真系好多生意做唔切咁，点知4点半上到去，哗！有两枱客㖞，一枱室内一枱室外，又几full㖞！一坐底二话不说同厨房讲“两个粉”，咁我当然问团购话可以二选一㖞！佢话宜家无鸡得意粉，跟住免你多问鸡咁脚走左，佢连水都仲未俾我地架！！！等15分钟，沙律登场，少之又少，味道尚可接受，又等15分钟，意粉上，哗！白汁意粉，都无其他评家的𩠌？火腿丝倒有几条，磨菇？妄想！而且份量奇少，连居士夫人个bb胃都食得晒，好明显厨房佬唔系好想开炉煮的感觉，味道十分之一般，居士免免强强吞下后，侍应先生火速收晒餐具碗碟，跟住上饮品，好似无左d野㖞！佢无预备送甜品俾我地，咁当然要出声问下啦，佢话做紧，跟住攞返两只叉出黎，又等10分钟，谂住系之前评家的泡芙，点知……登登登登，来了四块4cm长x3.5cm濶x0.5cm厚的「莎莉蛋糕」
居士买了团购，一向不去港岛开饭，见又话攞什么奖，又话几咁好味，咪上当啰！
首先来个电话奇谈，原本谂住订中午，佢话full，咁不如2点，又话无位，咁5点啦，又话惊7点交枱怕我地食唔切，咁都就够期又唔会点过海，5点咪5点啰，佢地真系好多生意做唔切咁，点知4点半上到去，哗！有两枱客㖞，一枱室内一枱室外，又几full㖞！
一坐底二话不说同厨房讲“两个粉”，咁我当然问团购话可以二选一㖞！佢话宜家无鸡得意粉，跟住免你多问鸡咁脚走左，佢连水都仲未俾我地架！！！等15分钟，沙律登场，少之又少，味道尚可接受，又等15分钟，意粉上，哗！白汁意粉，都无其他评家的𩠌？火腿丝倒有几条，磨菇？妄想！而且份量奇少，连居士夫人个bb胃都食得晒，好明显厨房佬唔系好想开炉煮的感觉，味道十分之一般，居士免免强强吞下后，侍应先生火速收晒餐具碗碟，跟住上饮品，好似无左d野㖞！佢无预备送甜品俾我地，咁当然要出声问下啦，佢话做紧，跟住攞返两只叉出黎，又等10分钟，谂住系之前评家的泡芙，点知……登登登登，来了四块4cm长x3.5cm濶x0.5cm厚的「莎莉蛋糕」，上面仲有厨房野性加点浪漫的划上几条朱古力酱汁，30秒都唔洗就KO左佢地啦，成果餐饭除左等45分钟，食左10分钟啰……真系搅鬼！
$38？真系抢钱，又无鸡又无泡芙又无服务又话无位，同间舖名好衬，真系“共抢党”食堂！仲要居士两人各浪费来回二十几蚊车费………
有兴趣不妨试试！
张贴