食雞

营业中

休息中

早前趁老公生日前夕，一家人外出食饭，就去左大角咀《食鸡》食鸡煲，再任食任饮打边炉。餐厅座位宽敞，地方整洁，在门口量完体温才进入，台面上有酒精搓手液任用，令我地安心用餐，今次因为同埋仔仔一齐食，所以就叫咗个唔辣嘅秘制椰香鸡煲，真系好重椰香味，入面仲有栗子及芋粒等，啲鸡肉好嫩滑，我仔得3岁，佢都话好好味，食左好多件鸡，食完鸡煲之后，我地选择加清汤，继续打边炉。打边炉配料：安格斯牛肩胛肥牛西班牙黑毛猪梅肉激爽鱼片头黑椒牛根丸德国车打芝士热狗肠鲜味墨鱼丸经典鸡肉肠韩国珍宝蟹柳白菜木耳猪肉饺稻庭乌冬豆卜甜粟米台湾无字豆纸呢到的份量，大多数不是一份份计算，而系主要以件数选择，咁可以试多些唔同种类，不会浪费，老公喜欢食牛，佢觉得呢度嘅安格斯牛肩胛肥牛，肉味浓算少膻味，我自己觉得呢度有啲特色嘅食品，出面少有，德国车打芝士热狗肠、韩国珍宝蟹柳及台湾无字豆纸，都几好食， 总括嚟讲呢度嘅质素很不错。而家因为疫情影响， 佢哋都加咗外卖自取有八折，讲真少咗好多人外出食嘢，冇咗热闹气氛，希望下次来，可以见到爆场， 热闹闹咁打边炉会更开心。