仁安醫院飯堂

营业中

休息中

入仁安做个内窥镜检查手术，需要全身麻醉，喺度过咗一晚。早上起床，点了港式早餐，煎双蛋/炒蛋配火腿/香肠/猪柳汉堡扒，餐肉/沙爹牛肉/榨菜肉丝/扎肉配米粉/通粉/即食面，牛油餐包，咖啡或茶，十分丰富。食物嘅质素一般啦，同出面茶餐厅冇太大分别， 沙嗲牛嘅味道比较出色，奶茶香滑，最可惜系全部用即弃餐具，非常不环保。医院另一间餐厅是使用瓷器皿盛载食物，餐具也是金属那款，可清洗再用。香煎粟米石斑柳，配薯条/白饭/意粉，两大块石斑柳煎得香口，刚刚熟，啖啖肉，粟米白汁有许多粟米，味道错但较为淡口，相信这样会健康一点，配大量薯条，热辣辣不过唔脆。餐厅提供各类粥品及汤面类。也有各款中式汤水及滋补炖汤，好让病人手术后进补。小菜也有许多选择(包一碗白饭)。西餐方面，包括沙律、西汤、主菜、意粉饭及甜品，任君选择。亦有燕窝及姜醋，各式其色。入住私家医院费用好多时都系保险包咗，探病嘅家属都会一齐开餐，大家未必会睇价钱，这餐厅收费尚算合理。