來多碗車仔麵 (康寧道) (已搬遷) 新店位置

之前金桥小食执咗一直挂念佢嘅辣汁，今日无意中俾我发现佢经已被白武士一家人打救，喺番旧铺嘅斜对面开返，亦都跟咗白武士嘅内地风格，改名为来多碗，我觉得呢个名既有型程度简直直逼大家食个平头装老细啊。嗌左猪皮萝卜鱿鱼河，呢度最出名嘅就系鱿鱼，个鱿鱼黎讲确实系比起出面𠮶啲爽口好多既，同埋个色水又够深，唔会好似出面啲水鱿咁呈现化学的粉红色，萝卜都炆得够淋够入味。黎番个重点，𠮶只辣酱同旧舖嘅一模模一样样，我挂住左你好耐喇，特别钟意呢度嘅辣酱甜甜地得黎又有少少面豉味，仲揾到原粒既面豉喺入面添。