立体派拉麵 (威靈頓街)

营业中

休息中

从来冇试过系香港食拉面食到成肚气。一开始落单嘅时候白色衫店员态度已经好麻麻，问我哋要咩小食，我先生客气表示睇一睇先决定，店员头也不回就走咗，个表情好冷漠甚至有些黑面，当时仲以为自己谂多咗。之后面仲未上嘅时候单独上咗叉烧，同隔离台比较形状完全唔同，size都细好多。我同先生商量后决定问下店员，因为实在无法接受两张台明明叫咗同一碗面，人哋块叉烧食咗几块，仲多过我哋啱啱上𠮶碟，仲要大半都系得肥膏？我哋礼貌询问，系咪因为跟餐，所以size唔同。店员回答表示，是师傅随意夹，每块size有不同。我哋表示我哋不太喜欢太肥，询问可否换一换，店员再次表示系师傅夹，无嘢可以做。我哋好声好气话，既然系师傅夹，可唔可以叫师傅出嚟同我哋沟通下。白色衫店员再次过嚟，黑面，重复另一位店员的说话，系师傅夹，叉烧有大细好正常。我先生见她态度差，简单回应：「咁你帮我换过碟。」店员继续黑面，拎走碟叉烧就走。第二碟上嚟，明显比较第一碟大，并且肥，肉层次分明，我哋就无再出声。俾钱买难受，楼下茶记态度都好过佢！面味道可以，但下次不了。