影片
更多
2022-04-29
1734 浏览
十几年前, “帝皇” 带一班大学同学去 “重庆大厦” 食咖喱, 年少无知, 当然大开眼界. 转眼十年, 试过其他唔同嘅咖喱, 最后, 我最钟意嘅都系印度咖喱, 特别系重庆大厦嘅 “7E咖喱王”.😂 话说早几个月前开始咖喱瘾发作, 试过几次一个人嚟食 (Why not?). 现实系, 揾朋友同你嚟重庆大厦真系好困难. 问问下, “细妹” 竟然话有兴趣, 转头揾埋 “意大利长介”.今日约咗喺重庆大厦门口集合, 然后我带路直冲入E座 (直行, 见到警岗右转, 去到尽头左转, 一直行到最尾, E座䢂口系右手边). 沿途好多人申手派传单俾我哋. 上到7楼, 一梯几伙, 其中一伙就系 “7E咖喱王”, 其余似系宾馆 (唔系讲笑, 我同事 “波特” 第一日嚟香港就系住重庆大厦嘅宾馆). 餐厅装修简单光猛, 整洁程度同茶餐厅差唔多.🥢 小食: 薄脆饼, 配绿色嘅奶酪酱. 送嘅, 好食.🥟 免治牛肉咖喱角, Beef Samosa. 皮脆, 唔油, 馅料分量充足.🐓 香烧鸡块, Tandoori Chicken. 用铁板上, 肉质厚滑, 香料味道入晒鸡肉, 超赞.🐐 串烧免治羊肉卷, Seekh K
😂 话说早几个月前开始咖喱瘾发作, 试过几次一个人嚟食 (Why not?). 现实系, 揾朋友同你嚟重庆大厦真系好困难. 问问下, “细妹” 竟然话有兴趣, 转头揾埋 “意大利长介”.
今日约咗喺重庆大厦门口集合, 然后我带路直冲入E座 (直行, 见到警岗右转, 去到尽头左转, 一直行到最尾, E座䢂口系右手边). 沿途好多人申手派传单俾我哋. 上到7楼, 一梯几伙, 其中一伙就系 “7E咖喱王”, 其余似系宾馆 (唔系讲笑, 我同事 “波特” 第一日嚟香港就系住重庆大厦嘅宾馆). 餐厅装修简单光猛, 整洁程度同茶餐厅差唔多.
🥢 小食: 薄脆饼, 配绿色嘅奶酪酱. 送嘅, 好食.
🥟 免治牛肉咖喱角, Beef Samosa. 皮脆, 唔油, 馅料分量充足.
免治牛肉咖喱角
28 浏览
0 赞好
0 留言
🐓 香烧鸡块, Tandoori Chicken. 用铁板上, 肉质厚滑, 香料味道入晒鸡肉, 超赞.
香烧鸡块
33 浏览
0 赞好
0 留言
🐐 串烧免治羊肉卷, Seekh Kabab. 又系用铁板上, 少少羊酥味, 略嫌肉质偏干.
串烧免治羊肉卷
32 浏览
0 赞好
0 留言
🥘 马沙拉烩鸡, Chicken Masala. 听讲Masala 唔系正宗嘅印度菜, 而佢嘅根源系真正地道嘅奶油鸡 (butter chicken). 讲番食物, 鸡肉嫩滑, 咖喱底加咗蕃茄同埋姜. 少辣, 捞饭一流.
玛莎拉烩鸡
23 浏览
0 赞好
0 留言
🌶 巴辣羊, Mutton Vindaloo. 香料味重, 辣到飞起, 十分出色. 羊肉Ok. 食得辣嘅朋友一定要试!
巴辣羊
30 浏览
0 赞好
0 留言
🧀 乡村芝士球, Malai Kofta. 餐牌写住 Mixed stuff vegetables cooked with cashew nuts and Indian spices. 用乳酪做嘅素丸子, 我食唔到芝士味, 软身. 味道似奶油鸡, 香料味冇咁重, 另外好香腰果味. 唔错!
乡村芝士球
15 浏览
0 赞好
0 留言
🐟 马沙拉烩鱼, Fish Masala. 鱼肉出奇地正常㖞.
马沙拉烩鱼
29 浏览
0 赞好
0 留言
🍹 芒果乳酸, Mango Lassi. 用嚟解辣, 好饮.
芒果乳酸
19 浏览
0 赞好
0 留言
🤗 总结一下: 一个字, 超级好食. 今日点咗两款烤肉, 四款咖喱. 我食白饭, “细妹” 食烤饼 (Naan), 佢话 Naan 嘅质素未系最好, 我唔知, 反正我觉得咖喱捞白饭最好食. Chicken Masala 系必点. 如果我一个人嚟食就系食 Masala. 呢度嘅 Vindaloo 做得好出色, 其他地方揾唔到. 我建议食鸡. 虽然应该系雪藏, 但系稳阵, 海鲜同鱼有机会中伏. 整体水准超赞. 印度咖喱之王, 当之无愧.
P.S. 相片由朋友 “意大利长介” 提供.
张贴
