影片
更多
2018-12-28
1042 浏览
咁啱今晚无饭开，一个人经开观广，顺道去帮衬呢间食开嘅小店。佢喺商场入面，舖仔细细，无装修无服务，卖嘅系贴地的街头小吃。恕我直言，呢间小店嘅生菜鱼肉同辣鱼蛋系试匀观广最好食架嘞。我至爱当然系生菜鱼肉，汤头清甜，鱼肉新鲜嫩滑，加入麻油和胡椒粉，将味道大大提升。其次系辣鱼蛋，佢用细细粒𠮶只鱼蛋，十分弹牙及有咬口，加上此店的辣汁非常入味。烧卖相对失色，食面粉的感觉太强和不够热，可以悭番嘞！仲有萝卜糕唔系你想叫就有，尤其放工时间经常沽清，通常我会请老板娘煎香D，再加橙色辣椒酱。（要酱，不是油）简直系人间美味！呢度仲有其他嘅街头小食，如：粉果、肠粉、捞面（可加𩠌）、粢饭、蒸牛肉球、汤饺、煎饺、碗仔翅、豆浆及豆腐花……等。我仲未一一试齐，来日方长……
我至爱当然系生菜鱼肉，汤头清甜，鱼肉新鲜嫩滑，加入麻油和胡椒粉，将味道大大提升。
其次系辣鱼蛋，佢用细细粒𠮶只鱼蛋，十分弹牙及有咬口，加上此店的辣汁非常入味。
烧卖相对失色，食面粉的感觉太强和不够热，可以悭番嘞！
仲有萝卜糕唔系你想叫就有，尤其放工时间经常沽清，通常我会请老板娘煎香D，再加橙色辣椒酱。（要酱，不是油）简直系人间美味！
呢度仲有其他嘅街头小食，如：粉果、肠粉、捞面（可加𩠌）、粢饭、蒸牛肉球、汤饺、煎饺、碗仔翅、豆浆及豆腐花……等。
我仲未一一试齐，来日方长……
张贴
