扒王之王 (已結業)

今日观音誔，晨早流流妈咪叫我去沥源买煎堆拜神，所以未到九点就出发。因为买完要赶回家，但本人又未食早餐好肚饿，买完煎堆就搭lift 立即走去附近的餐厅食个快快早餐，落到地下见到呢间餐厅就睇下个餐牌啱唔啱食先，见到有个猪手汤面好似唔错就走左入去食。这里环境都算宽敞，他们见我拎住一袋二袋就俾左个卡位我坐，等我坐得舒服一点，算是几贴心吧！我点了猪手配汤意粉，个配搭虽然有点怪，但我唔想食面和米粉，故点了汤意粉，餐跟饮品一杯，我也点了冻柠檬茶。猪手汤意粉和冻柠檬茶都好快就上枱了，猪手食落好腍，但味道就少少淡，意粉煮得恰到好处，唔会太腍，又唔会过硬，猪手同意粉份量都算多，汤底就麻麻地，唔浓，但味道欠奉。但还算可以。冻柠檬茶都可以，有茶味，柠檬有4块，啱我呢啲钟意多柠檬既人。总括而言，第一次在这间餐厅食早餐感觉都唔错，唔多人，坐得舒服，服务又几好，早埋单先知唔使加一，又几好㖞如有机会试下佢其他早餐先！