新桂香燒臘

营业中

休息中

约咗喺柴湾工作嘅朋友食饭，终于有机会嚟到呢间烧味舖试吓。见到铺内有几张折台，于是决定堂食 - 外卖始终都打咗折扣。堂食嘅好处系唔使排队，仲可以慢慢欣赏烧味师傅斩料嘅手势。师傅好细心咁问想食什么类型的叉烧，然后帮我拣咗一条比较肥烧得较㶶嘅叉烧。叉烧烧得均匀，入口松化，梅头肉系靓货，腌得啱啱好。 但系老实讲我比较喜欢旧式比较硬身有咬口冇汁伴上碟嘅叉烧。 纯粹个人喜好。坐低食另一好处就系可以慢慢睇吓烧味舖仲有咩好嘢。见到有平时较少见嘅生肠即刻叫咗一碟。生肠爽口，从颜色嚟睇冇其他烧味舖染得咁红，同叉烧一样咁好。