好味餃子店

营业中

休息中

近排唔知点解迷上左饺子，不论朝早、中午、晚餐或者宵夜都成日想食宵夜，不过当然唔同时间就会想食唔同形式嘅饺子啦，个人最喜欢就系煎饺子同埋汤饺子，今日经过葵兴做嘢，朋友就话呢间饺子店几好食，饺子都冇味精，所以我就决定嚟试吓。呢度比我想像中地方大啲，都算坐得几舒服，咁岩仲赶到下午茶，5只煎饺加豆浆都系$35！今次要咗煎芹菜饺子，好足料，外皮炸得松脆，又冇味精，下次再来会想试埋甘笋沙葛肉饺。呢到一个店员一脚踢，收银，楼面同厨房都系佢一手包办，好犀利，虽然好多嘢做，但系都keep到好好礼貌，成日都笑面迎人，尊重尊重！食得出每一只饺子都系用心机去煎，好有人情味！另外因为天气太热了所以最后都加多左一樽自制豆浆，等自己行返去地铁站嘅时候可以饮。呢到啲豆浆好好味，有豆香。