豪宴薈

营业中

休息中

有去开皇室堡都知果度有好多食肆，今次揾到一间舒适又有海景既茶楼。一入去已经比个环境吸引，花花布置，一面窗仲可以睇埋海景。除咗饮茶正，相信结婚摆酒都一样咁正。午市点心都好多选择，而且讲明即叫即整，新鲜程度有保证。原只虾饺皇晶莹的虾饺皮，虾饺十分饱满。蟹籽烧卖皇烧卖大大粒，口感扎实。川味口水鸡水准之作，拍得住街外的川味小店。够麻够辣，私心会想佢有米线套餐。椒盐鱿鱼须鱿鱼须外脆内软，蘸上喼汁令人食唔停口。原只鲜虾肠粉肠粉口感滑，鲜虾够大只。流沙奶皇包流沙包热辣辣，中间有香喷喷的奶黄流出，非常邪恶。沙律明虾角酥脆香口，中间啖啖虾肉，配沙律酱滋味好食。