影片
更多
2023-03-18
878 浏览
最近周围都见到有水门鸡饭店， 开到成行成市， 一定有佢嘅原因， 今日拉埋honey去试 ，睇下佢有乜嘢过人之处 。🤓原来水门鸡饭呢个名， 系出自泰国曼谷水门市场， 𠮶度嘅海南鸡非常出名受欢迎， 引入香港后都用返水门鸡饭呢个名， 个招牌好醒目， 绿色嘅靓鸡一只。 今日两点去到餐厅， 门口排晒长龙， 真系估唔到咁受欢迎， 一场嚟到都要排啦， 好彩唔使等好耐， 食好嘢梗系要有少少代价。👌 只要好味， 等耐啲都冇所谓。 餐厅用数码点餐， 我哋慕名而来， 当然要食水门鸡饭转鸡髀， 加十蚊。 鸡饭好快送到， 啲鸡肉系白色 ，有别于其他舖头嘅黄色海南鸡 ，皮薄肉嫩 ，一旧旧精莹通透， 睇落去系好新鲜， 绝对引起人嘅食欲， 水门鸡已经起晒骨 ，净系有皮同肉， 原来啲鸡皮都好好食， 好爽脆鲜嫩， 千祈唔好揼咗啲皮。 碟酱汁都系亮点， 泰式特制嘅酱汁， 鲜辣味极和谐， 点鸡食真系一流。 碟饭仲有两块好新鲜爽脆嘅青瓜， 点啲泰式酱汁， 简直精神一阵 ，非常美味， 油饭都好好味， 可惜今日啲饭有啲硬， 我食惯软饭冇办法。🤣🤣 我哋又叫咗碟肉碎芥兰苗 ，青青绿绿， 沟埋啲肉碎食 ，健康滋味。 两碟饭同埋菜好快食
5 浏览
0 赞好
0 留言
最近周围都见到有水门鸡饭店， 开到成行成市， 一定有佢嘅原因， 今日拉埋honey去试 ，睇下佢有乜嘢过人之处 。🤓原来水门鸡饭呢个名， 系出自泰国曼谷水门市场， 𠮶度嘅海南鸡非常出名受欢迎， 引入香港后都用返水门鸡饭呢个名， 个招牌好醒目， 绿色嘅靓鸡一只。
今日两点去到餐厅， 门口排晒长龙， 真系估唔到咁受欢迎， 一场嚟到都要排啦， 好彩唔使等好耐， 食好嘢梗系要有少少代价。👌 只要好味， 等耐啲都冇所谓。 餐厅用数码点餐， 我哋慕名而来， 当然要食水门鸡饭转鸡髀， 加十蚊。
鸡饭好快送到， 啲鸡肉系白色 ，有别于其他舖头嘅黄色海南鸡 ，皮薄肉嫩 ，一旧旧精莹通透， 睇落去系好新鲜， 绝对引起人嘅食欲， 水门鸡已经起晒骨 ，净系有皮同肉， 原来啲鸡皮都好好食， 好爽脆鲜嫩， 千祈唔好揼咗啲皮
。 碟酱汁都系亮点， 泰式特制嘅酱汁， 鲜辣味极和谐， 点鸡食真系一流。 碟饭仲有两块好新鲜爽脆嘅青瓜， 点啲泰式酱汁， 简直精神一阵 ，非常美味， 油饭都好好味， 可惜今日啲饭有啲硬， 我食惯软饭冇办法。🤣🤣
我哋又叫咗碟肉碎芥兰苗 ，青青绿绿， 沟埋啲肉碎食 ，健康滋味。 两碟饭同埋菜好快食晒， 未够喉， 好想试下其他嘢 ，于是又叫咗泰式奶茶咖啡， 再加一碟呢度嘅卖点， 班兰大菜糕 ，见到隔离几台都点， 当然唔好执输。🤪
泰式奶茶有独特嘅香味 ，颜色同其他餐厅都唔同 ，特别香特别滑，唔知有咩特别香料加咗入去， 咖啡就冇乜特别 。
甜品系最特别嘅 ，班兰味嘅大菜糕，加啲好香好杰嘅椰奶，哇⊙∀⊙！非常好味， 食到停不了口 。😋😋第一次食啲咁好味嘅泰式甜品， 唔怪得见到枱枱都叫。 今日只系食咗200几蚊， 真系又丰富又好味 ，莫齿难忘 ，下次来要试下其他菜式， 发掘多啲 香港美食。👍💪💪
张贴
