友口馥 (已結業)

去茶楼食蒸肠粉，唔系间间即叫即做，嚟呢间小店，保证系即整，仲睇到磨粉浆个石磨就喺厨房开紧工。呢度的虾米皱皮肠，多虾米，入口唔太硬，有虾米香，合体的肠粉滑嫩，唔使落豉油食都够味。酱料同芝麻全部系自助添加，甜豉油用子弹壶载住，唔通担心豉油冻咗，影响整体食物味道？皱皮肠粉以外，菜干粥料多够绵，咸度刚好，食完唔口渴，有惊喜。可惜的系，全店使用塑胶餐具，想减胶要自备餐具。人多时，店员落单有甩漏系常态，加上肠粉要花时间即整，必须耐心等食喔。