明師傅甜品 (已結業)

系荃青区入面，至多糖水舖同甜品舖嘅地方就系荃湾，同屋企人食完饭就食下啲中式糖水啦~经过尼间糖水舖，见到有尼个迷你西瓜盅，好似几盏鬼，所以就决定入去尼到食甜品尼个西瓜盅入面有凉粉、杂果、西米，最顶仲有一个雪糕球，而中间嘅西瓜，相信已经榨成隔离𠮶杯西瓜汁啦。其实唔系好知应该要将啲西瓜汁倒落去个盅到啊，定系分开食，哈哈! 但系去除咗个西瓜碗，同杂果凉粉系无分别，所以系欺骗好似我尼啲贪新鲜嘅人，好彩啲配搭都系几啱夏天消暑嘅，唔太差啦~另一样嗌嘅系汤圆，汤圆有咩咁特别，要出街食呢? 就系因为佢系猫山皇榴梿汤圆黎，用极品嘅果皇做汤圆馅，外表睇落平平无奇，一咬开啲榴梿嘅香味即刻涌出黎，好重榴梿味，配埋烟韧嘅汤圆皮，真系几好