影片
更多
2018-01-25
111 浏览
现今食嘢同网上识朋友一样都可以相片行骗。任你影到啲嘢几好食，几fancy，事实就系事实，第一次写劣评，就俾咗呢间自称omakases既「日本」餐厅。一入到去睇啲装修,唔讲以为自己去咗西九龙中心𠮶啲港式日本拉面 、吉列猪扒、寿司定食嘅餐厅（有奶茶柠茶华田饮𠮶啲）。用个胶banner 就当天花😂日本餐厅最讲究嘅清洁卫生呢度全部欠奉，见到员工将佢哋嘅水壶，饮紧嘅汽水罐，放喺客人即将会用到木盘上面。啲汽水同豉油樽周围摆，好有茶餐厅feel。食物方面，啲野冇味嘅，感觉仲有啲污糟，调味奇怪，温度更加奇怪，有种暖寿司嘅感觉。奉劝大家如果黎呢间铺头食，唔需要订位，因为订位嘅朋友，佢好有可能安排你坐较差嘅位置，例如面壁嘅吧枱，完全唔珍惜有诚意嚟食嘢嘅客人，宁愿留番啲靓位黎吸引walk-in客。呢间食肆令到我以后都唔敢轻易相信网上嘅靓相。感觉就好似而家越来越多靓女po相，但系其实个个都P图嘅。总括：影相一流👍🏻
任你影到啲嘢几好食，几fancy，事实就系事实，第一次写劣评，就俾咗呢间自称omakases既「日本」餐厅。
一入到去睇啲装修,唔讲以为自己去咗西九龙中心𠮶啲港式日本拉面 、吉列猪扒、寿司定食嘅餐厅（有奶茶柠茶华田饮𠮶啲）。用个胶banner 就当天花😂
日本餐厅最讲究嘅清洁卫生呢度全部欠奉，见到员工将佢哋嘅水壶，饮紧嘅汽水罐，放喺客人即将会用到木盘上面。啲汽水同豉油樽周围摆，好有茶餐厅feel。
食物方面，啲野冇味嘅，感觉仲有啲污糟，调味奇怪，温度更加奇怪，有种暖寿司嘅感觉。
奉劝大家如果黎呢间铺头食，唔需要订位，因为订位嘅朋友，佢好有可能安排你坐较差嘅位置，例如面壁嘅吧枱，完全唔珍惜有诚意嚟食嘢嘅客人，宁愿留番啲靓位黎吸引walk-in客。
呢间食肆令到我以后都唔敢轻易相信网上嘅靓相。感觉就好似而家越来越多靓女po相，但系其实个个都P图嘅。
总括：影相一流👍🏻
张贴
