越湯

营业中

休息中

好少经过呢头，正当揾紧食咩lunch嘅时候，比我见到呢间门面设计简约又新净的越式餐厅。见到越式PHO汤面居然有和牛配搭，立即试试先！最后点咗越汤招牌火车头日本A5和牛汤粉追加了小食芝士吉列虾球，午市本身仲已经包一杯热饮，拣左热斋啡。火车头和牛汤粉材料非常丰富，有牛丸、牛展、牛筋、牛肚、牛柏叶仲有A5和牛片！每样牛都非常出色，特别系肉汁丰富嘅牛丸，充满油香嘅和牛片同口感烟韧刚好嘅牛筋，以$68呢个价钱食到以上已经好惊喜。至于汤底方面，系餐厅自家制的和牛汤，饮落好香浓，加上我选择左嘅金边粉，汤面上的洋葱，另上的辣椒粒同青柠汁，连个汤面都系咁冇得输！小食芝士吉列虾球，配搭左泰式辣酱，不过我就唔系泰式辣酱嘅fans，但点左之后又觉得嘅配合。虽然佢冇写，但虾球入面嘅芝士系少少流心同拉到丝的！$18三粒嘅吉列虾球，好好食而且份量啱啱好。冇谂过一餐尚算平民价钱嘅越式料理可以咁令人惊喜！推介！