飛鷹餐廳

营业中

休息中

今日收工同老婆去怀旧一下，开头谂住去金凤嘅，跟住我老婆话佢朋友讲飞鹰好食啲㖞，咁就试吓啦！喺门口望吓个铁板晚餐牌$103都觉得唔算平㗎喇，不过算啦而家兴怀旧，入到去非常局促可能今日天气冻闩左几部冷气挂，一坐低见隔离叫𠮶几个牛扒我心谂中伏啦🥲咁我梗系唔叫啦，我就叫个常餐会牛脷饭，谂住正常啲挂点知，一摆上台牛脷呢切到一条条好似火腿通粉𠮶几条火腿咁，都冇煎过求其队埋一边咁样，大家乐好食好多，到我老婆𠮶个铁板牛柳嚟到，系几热嘅块铁板…啲牛柳呢用松肉粉整到松晒，叫五成熟确实系有五成熟，另外就再叫多个虾多士，个块多士真系虾胶就得个少少…块多士啦劲油…算啦谂住好唔好都系一餐姐，埋单𠮶阵时发觉点解多咗成$20原来要加一服务费，我即时打咗个突，佢哋有咩服务？啲嘢都未食完已经想嗱嗱声拎走佢，问都冇问你…谂吓谂吓佢哋今时今日仲生存到真系一个传奇食咗个背脊骨落。