黑鉄屋 (已結業)

晚饭唔知想食咩，就开openrice search下附近有咩食。见到li间食拉面嘅有咁多个like,应该唔会差得去边，去到门口见入面得两三枱，再睇佢门口餐牌又好似唔对路，(好怕拉面铺除咗拉面会卖其它嘢，又饭，又sukiyaki)本来想走，但系有个伙计出嚟叫我入去试下。我就即管试下。一坐低俾碟前菜我，我一望好似俾人食剩咁款，心谂不如唔好送啦，叫咗一碗面同煎饺子，面一般啦，汤唔够热先摆命。饺子偏淡同埋又系唔够热。心谂又一次证明多like未必好，叫卖单一睇，碟所谓前菜居然收钱，我真系食咁多拉面未见过有人会收前菜钱。生意难做都唔系咁揾钱。