段純貞牛肉麵 (如心廣場一期)

营业中

休息中

同朋友久仰大名，终于有机会嚟试下呢间台湾牛肉面店。铺头主打牛肉面，我唔好牛筋，嗌咗个红烧牛肉面（手打面），而我朋友就嗌咗个麻辣半肉半筋面（都系手打面）。先讲我个碗牛肉面。佢嘅汤底好浓，好醒胃！而个牛肉真系好似台湾嘅牛肉面咁样浸到好淋。要知道香港无几多间牛肉面嘅牛肉系真系煲得淋嘅，所以呢间嘅牛肉面我好欣赏而我朋友都对佢个碗麻辣面赞赏有加，话啲肉好好。只不过佢唔太顶得顺呢到嘅麻辣，所以唔系好食得麻辣嘅人可能要谂真啲先好嗌啦。最令我惊喜嘅其实唔系面，而系盐酥鸡。佢嘅盐酥鸡虽然贵，但大份，好足料。更重要嘅系，佢嘅盐同胡椒味都好出，唔会好似出面做嘅一味死咸。呢碟小食我推荐大家食！