燒串煲 (已結業)

今日同2个朋友行完街，突然好想食串烧或者打边炉。揾到依间烧串煲好似几好，而且地点就脚容易去，旺角或者尖沙咀行完街过去食好近，好方便添。嚟到之后我地先点左佢地既串烧，然后先再点左个鸡煲。叫左份羊架，估唔到小店烧到出嚟都好香，又唔会话太酥，肉唔会话太un难咬。有个朋友本来唔食羊，但见到都忍唔住试咗少少。跟著再点左份烧胜子，胜子上面铺满粉丝同蒜，本身海鲜够新鲜已经够汁，而且唔会话烧到出嚟啲粉丝同胜子又干晒等等，师傅手势好好。虽然食完我哋都意犹未尽，但因为仲有个鸡煲，所以都系无再叫其他串烧。跟著就到个鸡煲嚟喇！鸡煲味道浓郁，又够香，而且仲落足料添！佢呢度嘅一只鸡系比起出面嘅鸡煲大啲，而且调味上面都有少少唔同，唔系好似出面啲连锁店咁死咸。食完啲鸡再加汤，佢又有平时打边炉会有既料提供。我哋加咗一份手切肥牛同埋响铃，三个人系食到劲饱，值得一题系𠮶份肥牛都好重牛味。埋单每人唔使$200，而且环境够舒适干净 ，有机会会再嚟食。