九份飽 (屯門時代廣場南翼)

营业中

休息中

网上见到屯门新开呢间台式小店，早就想黎试，试业期间芋圆卖10蚊碗，好抵呀，今日就同老友黎食个下午茶，试下够唔够台先。星期日下午2点左右到，门口已经排紧队，大约10组人左右，呢间小店铺面唔大，大约得10张枱左右，排左约45分钟先入得，由于当下午茶食无点太多野，纯粹抱住试味心态，就点左以下野先黎个细鲁肉饭，真系同台湾食既差唔多，好香，肉够腍饭既软硬都适中，就系贵d,一细碗要32蚊本身叫左个台湾担仔面，应该俾错左米粉我，不过都无问题可以照食，味道都唔错，配料有半只卤蛋，一粒猪肉丸同一只虾仔同肉燥。食台湾野唔少得地道既蛋饼啦，叫左个粟米起司蛋饼，一个字正，但要趁热食冻左d饼皮会偏硬。优惠价10蚊碗既芋圆黎啦，碗野除左芋圆仲有d豆花，红豆同仙草，甜品一流。食完真系有去台湾小食店既味道，好满足，就系价钱有点贵，而且份量唔多。