影片
更多
2015-05-15
495 浏览
呢间系湾仔，系分店黎架～因为新开，装修都好有特色架～门口已经有一个车卡咁既位，行过实见到～而入面有成卡火车系度架～仲可以坐系入面食饭架～可惜当日车卡位有限，FULL左, 唯有坐番D普通位啦~呢度每一个角落都有好多关于火车既野就连个厕所，洗手盘都整到同火车既设计一样，关左问后仲会有火车呜呜声，好得意架~睇番张餐巾先知原来火车头同喜喜系同一个集团黎~为左营造越南地方特色，将D筷子放系个桶度~不过尼，D筷子头向哂上， 有D唔系咁卫生，都唔知上一手人有冇对住佢打乞嚏添架~@@因为有小朋友同行，所以有成套的小朋友餐具，加分呀~而呢个甜酸汁，真系好好味，用黎食𩠌食粉都一流呀~老实讲，呢度既价钱真系唔算平民，同 TIME SQUARE 既价钱差唔多~每个𩠌都要百几蚊，小食都要六 七十蚊~ 最搞笑有呢句野~咁我加定唔加好呢~HAHA因为有小朋友，好多野都唔系好食得，所以都系拣D饱肚既粉面饭算啦~黎得火车头，当然要拣呢度既招牌菜火车头招牌汤河 HKD 88我地将汤河改做金边粉，虽然个碗好大，不过其实粉都系平时既一人份量 ~ 金边粉比平时既较幼，但好弹牙烟韧~, 好似加左少少薯粉落去整咁~跟粉有一碟银芽，
呢间系湾仔，系分店黎架～因为新开，装修都好有特色架～门口已经有一个车卡咁既位，行过实见到～而入面有成卡火车系度架～仲可以坐系入面食饭架～
可惜当日车卡位有限，FULL左, 唯有坐番D普通位啦~
呢度每一个角落都有好多关于火车既野就连个厕所，洗手盘都整到同火车既设计一样，关左问后仲会有火车呜呜声，好得意架~
睇番张餐巾先知原来火车头同喜喜系同一个集团黎~
为左营造越南地方特色，将D筷子放系个桶度~
不过尼，D筷子头向哂上， 有D唔系咁卫生，都唔知上一手人有冇对住佢打乞嚏添架~@@
因为有小朋友同行，所以有成套的小朋友餐具，加分呀~而呢个甜酸汁，真系好好味，用黎食𩠌食粉都一流呀~
老实讲，呢度既价钱真系唔算平民，同 TIME SQUARE 既价钱差唔多~
每个𩠌都要百几蚊，小食都要六 七十蚊~ 最搞笑有呢句野~咁我加定唔加好呢~HAHA
因为有小朋友，好多野都唔系好食得，所以都系拣D饱肚既粉面饭算啦~黎得火车头，当然要拣呢度既招牌菜
火车头招牌汤河
HKD 88
我地将汤河改做金边粉，虽然个碗好大，不过其实粉都系平时既一人份量 ~ 金边粉比平时既较幼，但好弹牙烟韧~, 好似加左少少薯粉落去整咁~
跟粉有一碟银芽，要自己倒落去~
仲有一个越式甜酱同辣酱，呢度既甜，辣酱，甜系少甜，辣都系少辣，无平时食开既是拉差酱咁辣，估计系自己调的~几特别~
𩠌方面就以大埋头取胜，牛丸有好香五香咁，不过阿囡食唔到，佢话辣㖞!~@@
萝卜系超淋超入味，睇相都睇到~而且无根架
牛筋都炆得好淋入味，生牛肉就不过不失啦
但个熟牛肉同牛栢叶完全唔得啰，熟牛肉变左一粒粒肉咁，仲要味道劲奇怪，好似假肉~@@
牛栢叶真头又韧又无味，错哂~ ><
为左就阿囡，叫左呢个
蒸粉卷
HKD 53
呢块皮呢..... 又厚又淋PAT PAT ，太过死实入面既料都无咩特别，亦唔太好味。跟粉卷黎左个好似豉油既酱，一D都唔夹
反而配番甜酸汁仲好味D~
街头米碎饭
HKD 88
呢个饭呢，又系大埋头取胜。
猪扒Ｄ肉淋到唔使咬都烂。一条条个Ｄ系炸粉丝，但无味的，
下面个块，开头以为系鱼饼，点知原来系猪肉饼，不过有Ｄ油～
成碟最好食，系个Ｄ腌左既红／白萝卜丝～XD
粉卷个豉油用黎食蛋，超好味的说~ ^^
食饭又点可以无甜品~越式绿豆蓉椰丝班戟配雪糕
HKD 55
雪糕呢？原来系成盒上既 HAAGEN-DAZS 呀~ 呢个甜品系暖的
绿豆蓉同椰丝混合，有好香既椰蓉香，不过呢，成个甜品竟然系无味的~@@
真系少少糖都无，只食到成口蓉，感觉，有D闷~
不过好彩有杯雪糕，将D雪糕混合埋D蓉食后感觉截然不同~老实讲，呢度既食物水评和我很久以前去大坑总店的确有点不同~
不过呢度既环境装修布置都好特别，尤其系钟意火车既小朋友，黎到呢度一定超开心，劲兴奋
作为一个亲子餐厅都未尝不可
题外话/补充资料：
温馨提示：想系火车卡位进餐，记得预早BOOK定啦~同埋BOOK枱时要讲埋~
(以上食记乃用户个人意见 , 并不代表OpenRice之观点。)
张贴
