影片
更多
2020-10-13
461 浏览
星期日晚饭时间响葵芳新都会广场揾食，真系间间都要等位咁滞。行过几间谂住去食嘅餐厅都要等位起码30分钟，去到地下𠮶层，居然Parkview系唔驶等位可以即刻入，仲要入到去都仲有两三张枱剩。之前都见过类似情况，心谂唔知道会唔会系伏，不过亦觉得集团嘢，伏极最多都系普通，唔会话难食卦，为左唔想等位，无所谓。 佢有二人餐，不过系一定以一种肉类／扒类配粉／饭，就系偏偏哩餐唔想食碳水化合物，所以最后散叫叫左一个三文鱼凯撒沙律，一个美国西冷扒五成熟，同埋一个杂扒。烟三文鱼凯撒沙律先黎，普普通通，啲烟三文鱼味就无咩问题，不过唔知点解啲色有啲偏粉橙，通常食嘅烟三文鱼都系鲜橙色，产地问题？不过最意外但又系一个不错嘅做法，系佢响个凯撒沙律入边加左水瓜榴（非常钟意食水瓜榴），虽然烟三文鱼与水瓜榴的确系绝配，但一般凯撒沙律都好少会加，而啲面包粒好似大粒得滞，可能系餐厅风格。哩客美国西冷，特制红酒蘑菇汁，蘑菇香浓，不过偏甜，所以用黎点薯仔食，牛扒就简单加啲盐就算。感觉熟左少少但还可以，而叫西冷都系希望可以重肉味，佢嘅肉质同肉味都还好，揾唔到好多适合嘅形容词黎形容，因为真系无咩特别。钟意食羊，所以试埋朋友叫个杂扒里有
佢有二人餐，不过系一定以一种肉类／扒类配粉／饭，就系偏偏哩餐唔想食碳水化合物，所以最后散叫叫左一个三文鱼凯撒沙律，一个美国西冷扒五成熟，同埋一个杂扒。
烟三文鱼凯撒沙律先黎，普普通通，啲烟三文鱼味就无咩问题，不过唔知点解啲色有啲偏粉橙，通常食嘅烟三文鱼都系鲜橙色，产地问题？不过最意外但又系一个不错嘅做法，系佢响个凯撒沙律入边加左水瓜榴（非常钟意食水瓜榴），虽然烟三文鱼与水瓜榴的确系绝配，但一般凯撒沙律都好少会加，而啲面包粒好似大粒得滞，可能系餐厅风格。
哩客美国西冷，特制红酒蘑菇汁，蘑菇香浓，不过偏甜，所以用黎点薯仔食，牛扒就简单加啲盐就算。感觉熟左少少但还可以，而叫西冷都系希望可以重肉味，佢嘅肉质同肉味都还好，揾唔到好多适合嘅形容词黎形容，因为真系无咩特别。
钟意食羊，所以试埋朋友叫个杂扒里有嘅羊架少少，唔⋯⋯熟得滞（九成五熟），羊味好淡，亦无咩香草或腌料味，所以唔系几满意。只烧虾⋯⋯有啲似街巿买𠮶啲虾嘅大细，唔吸引。
会唔会系因为西餐关系，或者平均消费比较黎讲算高，所以无其他嘅餐厅咁受欢迎？不过以今次嘅经验黎讲，哩个价钱（两个人食左差不多$700）哩个质素，真系只能当系啱啱合格。未至于比”喊”，但极其量只可以系”OK”。食物唔算突出，又无咩招牌菜，纯粹以”西餐”排头响葵芳商场入边经营，抢生意的确有啲难度。
张贴
