影片
更多
2024-05-10
37 浏览
今日放工行去天后觅食，见到呢间出面嘅甜品咁吸引🤤🤤就忍唔住入去食dinner入到去第一个感觉系环境好阔落。同朋友坐系卡位好舒服，唔使惊同人迫住晒同听到隔离好嘈。店内以黄色为主调，木系台凳，加上唔同泰国摆设同装饰，令你有种怀旧，古色古香嘅感觉我地都系钟意食肉嘅人，所以嗌左唔少小食。首先系佢好出名嘅秘制汁烧烤猪颈肉（$88)。佢嘅猪颈肉好惊喜肥瘦配搭得岩岩好，每块厚薄适中，烧烤至稍焦脆，口感入口即溶，绝对唔可以错过～然后就叫左佢嘅沙嗲串烧（猪肉+鸡肉）半打 ($78) 佢嘅沙嗲酱唔会比花生酱嘅味道盖过，猪肉串特别有惊喜，有咬口及弹牙～跟住Menu 入面有项几特别嘅小食，系泰式虾饼加上皮蛋（$88)。分开食嘅时候会觉得有啲怪，但当夹著一齐食嘅时候好有惊喜，皮蛋嘅味道会令热气嘅感觉减少。再点上特配嘅甜酸酱，会令本身稍为干身嘅炸虾饼有更丰富嘅口感🤤最后去到主食系酥片黄咖喱鸡（$138)掀开酥片，扑面而黎就系黄咖哩嘅鲜味🤤岩晒唔食辣嘅我。一夹起就发觉入面好足料。同其他餐厅唔一样，呢度嘅鸡系用鸡肉连鸡皮去煮成，用手撕成手撕鸡状。鸡食落好入味，再加上其他配菜同薯仔，食完就已经10成饱🤫甜品方面最后因为
今日放工行去天后觅食，见到呢间出面嘅甜品咁吸引🤤🤤就忍唔住入去食dinner
入到去第一个感觉系环境好阔落。同朋友坐系卡位好舒服，唔使惊同人迫住晒同听到隔离好嘈。店内以黄色为主调，木系台凳，加上唔同泰国摆设同装饰，令你有种怀旧，古色古香嘅感觉
我地都系钟意食肉嘅人，所以嗌左唔少小食。首先系佢好出名嘅秘制汁烧烤猪颈肉（$88)。
佢嘅猪颈肉好惊喜肥瘦配搭得岩岩好，每块厚薄适中，烧烤至稍焦脆，口感入口即溶，绝对唔可以错过～然后就叫左佢嘅沙嗲串烧（猪肉+鸡肉）半打 ($78)
佢嘅沙嗲酱唔会比花生酱嘅味道盖过，猪肉串特别有惊喜，有咬口及弹牙～跟住Menu 入面有项几特别嘅小食，系泰式虾饼加上皮蛋（$88)。
分开食嘅时候会觉得有啲怪，但当夹著一齐食嘅时候好有惊喜，皮蛋嘅味道会令热气嘅感觉减少。再点上特配嘅甜酸酱，会令本身稍为干身嘅炸虾饼有更丰富嘅口感🤤最后去到主食系酥片黄咖喱鸡（$138)
掀开酥片，扑面而黎就系黄咖哩嘅鲜味🤤岩晒唔食辣嘅我。一夹起就发觉入面好足料。同其他餐厅唔一样，呢度嘅鸡系用鸡肉连鸡皮去煮成，用手撕成手撕鸡状。鸡食落好入味，再加上其他配菜同薯仔，食完就已经10成饱🤫
甜品方面最后因为都有啲饱，所以我地嗌左一个西米糕同一个椰青糕。两个都椰味十足，椰青糕唔会死甜，有椰子嘅甜香。
最后同朋友enjoy左2个钟先走，餐厅嘅侍应好helpful, 最后仲请左店入面自制嘅虾片比我地作小食。
见唔少顾客都会同侍应有讲有笑，系一间好有人情味嘅餐厅。黎开天后一定要一试🤤
张贴
