點點心點心專門店 (已搬遷) 新店位置

好早前看报纸介绍此店，所以一心走嚟试吓。未食点心前，先介绍店内嘅环境，座位够宽，坐得好舒服，唔会好似添好运这样，迫到似沙甸鱼。点心方面叫了四款，有咸有甜，味道如下：真系菠萝包 ，size迷你，上枱时，热到辣嘴，包身软绵，外皮松脆,内里加了菠萝粒嘅奶皇馅，甜甜酸酸，几好味。滋味蜂巢糕，一啲都唔滋味，质感唔松软，有点实，味道太甜，好难食。脆皮鲜虾肠，肠粉拉得薄同滑，包住脆口嘅米网同虾肉，口感丰富，但味道偏咸，唔点鼓油都冇问题。 虾饺外皮烟韧，馅料味道一般，食完好口干，应该加了唔少味精。