影片
更多
2024-11-23
2038 浏览
因为突然间想食海胆，但又唔想行咁远，所以就book咗公司附近呢间新开嘅日式放题。坦白讲睇咗好多食评，基本上佢哋食评都好两极，真系天堂同地狱嘅分别，咁都明白所有好评一定系blogger，咁由于本身我个人都唔系太挑剔，见啲相几好睇就决定试下。首先环境绝对唔系好似其他食评讲到咁日式干净亮丽，张二人枱仔真系好细，细都唔系最主要嘅重点，隔离只系相隔3cm🌝咁啱我去到嘅系小卡位，所以我坐低咗，如果唔系我谂我拧转面走咗🙂选择咗$528/位既放题。首先自助区基本上全部预制菜，唔特别讲，刺身同普通熟食正常一般冇特别，普通放题质素，但串烧冇味，唔建议叫任何串烧。咁都唔紧要，因为主要食海胆同榴梿明白如果要所有种类都出类拔萃嘅唔止呢个价钱。结果海胆除咗非常薄之外，基本上嚟咗第一轮，就已经冇再嚟过🌝无论我嗌5份10份20份30份40份，佢厨房部单机都可以自动消失咗我张单😀点餐时间90分钟，过咗60分钟我都只系食过一次，咁好啦，咁同佢员工讲完又讲，终于黎左一碟，再然后都系无论我点样落单都系唔会嚟，再同佢员工反映，然后夹硬出咗一碟俾我，然后见到佢啲厨房师傅行晒出嚟望我𠮶张枱，我𠮶刻简直觉得自己系乞儿🙂到榴梿，喺12
坦白讲睇咗好多食评，基本上佢哋食评都好两极，真系天堂同地狱嘅分别，咁都明白所有好评一定系blogger，咁由于本身我个人都唔系太挑剔，见啲相几好睇就决定试下。
首先环境绝对唔系好似其他食评讲到咁日式干净亮丽，张二人枱仔真系好细，细都唔系最主要嘅重点，隔离只系相隔3cm🌝
咁啱我去到嘅系小卡位，所以我坐低咗，如果唔系我谂我拧转面走咗🙂
选择咗$528/位既放题。
首先自助区基本上全部预制菜，唔特别讲，刺身同普通熟食正常一般冇特别，普通放题质素，但串烧冇味，唔建议叫任何串烧。
咁都唔紧要，因为主要食海胆同榴梿
明白如果要所有种类都出类拔萃嘅唔止呢个价钱。
结果海胆除咗非常薄之外，基本上嚟咗第一轮，就已经冇再嚟过🌝
无论我嗌5份10份20份30份40份，佢厨房部单机都可以自动消失咗我张单😀
点餐时间90分钟，过咗60分钟我都只系食过一次，咁好啦，咁同佢员工讲完又讲，终于黎左一碟，再然后都系无论我点样落单都系唔会嚟，再同佢员工反映，然后夹硬出咗一碟俾我，然后见到佢啲厨房师傅行晒出嚟望我𠮶张枱，我𠮶刻简直觉得自己系乞儿🙂
到榴梿，喺120分钟入边，都系无论我落几多次，佢都系唔理我嘅，夹夹埋埋我食咗四嚿。
佢平𠮶个餐同贵𠮶个餐争$200，分别就在于榴梿同埋海胆，但佢又唔舍得出，呢个经营模式其实真系好呕心，好小家，其实心痛食材做唔起放题就真系唔好夹硬做，好肉酸🌝
然后最后黎咗两个佛跳墙，明明第一round size系正常酒楼碗仔，喺我同佢啲员工追完海胆之后，佢离嘅size系面盆咁大，我问返佢啲Staff，呢个系咪正常size，佢啲Staff系完全答唔出🌝
总结埋单1056，因为新开张唔使收加一服务费，但食咗嘅系大部份下栏嘢，唔可以话难食，但完全冇开心嘅感觉，其实网上已经好多差评，结果我自己仲去食，系我自己抵死，希望你哋睇到呢个食评，唔好再去试伏🙏🏻
张贴
