影片
更多
2021-05-22
2024 浏览
星期六早上9:30去到，都好容易揾到位。传统中式酒楼装修。茶钱每位$14。另外星期六、日及公众假期所有点心跟正价收费，比起点心纸上星期一至五特价收费，每款点心大概贵八、九蚊。服务方面，大致上系有礼貌嘅👍🏼食物方面，今次专登嚟试佢个怀旧灌汤饺，好掂👍🏼👍🏼👍🏼 皮薄，𥚃面真系有汤嘅 (而唔系杰挞挞一pat嘢咁)，个汤仲要系几好味添，一笼两只大大只，同细个𠮶阵跟老豆去饮茶食𠮶啲一模一样。以依家仲食到怀旧灌汤饺嘅酒楼嚟讲，真心觉得呢间最好味😋上汤炸粉菓，个皮炸得好松脆，热辣辣，好香口好正！姜葱蒸爽肚，啲猪肚大大件，唔会切到碎湿湿，配上姜葱蒸好夹好好味😋 (太好食唔记得影相)凤城虾饺皇，呢个比较一般，冇咩特别。蛋黄千层糕，依家都唔多酒楼有呢款点心，比较甜同漏，味道就好似鸡尾包啲馅咁，如果有三、四个人share食就几好🤣怀旧糯米鸡，唔掂！太干同无咩馅料嘅👎🏼香滑牛肉肠，都系唔掂！失败在个皮，上枱𠮶阵已经见佢「爆皮」！一食之下发现完全唔滑，唔知系咪返蒸。饮完茶可以顺便过隔离𠮶间舖买蛋卷，听讲系好出名嘅！
茶钱每位$14。另外星期六、日及公众假期所有点心跟正价收费，比起点心纸上星期一至五特价收费，每款点心大概贵八、九蚊。服务方面，大致上系有礼貌嘅👍🏼
食物方面，今次专登嚟试佢个怀旧灌汤饺，好掂👍🏼👍🏼👍🏼 皮薄，𥚃面真系有汤嘅 (而唔系杰挞挞一pat嘢咁)，个汤仲要系几好味添，一笼两只大大只，同细个𠮶阵跟老豆去饮茶食𠮶啲一模一样。以依家仲食到怀旧灌汤饺嘅酒楼嚟讲，真心觉得呢间最好味😋
上汤炸粉菓，个皮炸得好松脆，热辣辣，好香口好正！
姜葱蒸爽肚，啲猪肚大大件，唔会切到碎湿湿，配上姜葱蒸好夹好好味😋 (太好食唔记得影相)
凤城虾饺皇，呢个比较一般，冇咩特别。
蛋黄千层糕，依家都唔多酒楼有呢款点心，比较甜同漏，味道就好似鸡尾包啲馅咁，如果有三、四个人share食就几好🤣
怀旧糯米鸡，唔掂！太干同无咩馅料嘅👎🏼
香滑牛肉肠，都系唔掂！失败在个皮，上枱𠮶阵已经见佢「爆皮」！一食之下发现完全唔滑，唔知系咪返蒸。
饮完茶可以顺便过隔离𠮶间舖买蛋卷，听讲系好出名嘅！
张贴
