DKLM Bar & Restaurant (已結業)

今日收到消费卷就去左尖沙咀shopping，之后有d攰就揾个地方食晏。男朋友就介绍呢间酒吧，话午餐好多选择，大份又好味，就去试下佢。上到去都好多人食，好快有职员安排我哋坐低，上左两杯水咁。睇左下餐牌，都真系有十几款选择，我哋拣分别拣左软壳蟹迷你汉堡伴蟹肉酱及松露薯条同蟹肉，蟹膏浓汁意粉，另外加10蚊要左杯苹果汁。个意粉就上枱先，都真系好大份，睇得出好入味，仲有火箭菜系面，食落热辣辣，汁好香不过又唔会咸。而个软壳蟹上枱我哋哗左一声，百零蚊有咁多野，性价比好高。个蟹真系真材实料，成只上枱可以砌得返出嚟，炸得好香口。个汉堡同薯条都好新鲜，汉堡好大块，薯条好大条，真系抵。虽然食物要等耐d，不过咁嘅质素都系值得嘅！