灜鐵板燒

营业中

休息中

相信好多人同我一样，钟意食铁板烧因为有得睇师傅精湛嘅厨艺，每每令我叹为观止👏🏻▶️帆立贝北海烧师傅临尾用火枪将自家制沙律酱烧至微焦，非常诱人😍连壳食够晒原汁原味，贝肉肥美滑嫩，完全冇烧到收干晒水份嘅问题。▶️辣汁魔鬼鱼好有BBQ风味，葱蒜入晒味，吸收饱满香浓酱汁。鱼皮酥脆咬落有声🔈近软骨位置有好多骨胶原，加上微辛惹味酱汁，每食一啖都大呼过瘾！▶️盐焗马友鱼以蛋白盐覆盖鱼身扣出鱼嘅鲜，然后敲碎盐块就品尝到最原汁原味嘅美味😋挑开表面嘅鱼皮，露出鲜香嫩滑嘅鱼肉。▶️A5佐贺和牛和牛肥瘦分明，粒粒厚薄一致。入口即化🤤牛味零舍浓香，尤其脂肪位置。