小憩片刻·雞湯·麵·串燒 (已結業)

小憩片刻有一种忙里偷暇既感觉，一于黎呢度食个下午茶。呢度除左啲面食之外，仲有串烧食，我地叫左虫草花胶鸡汤乌冬、云吞、菜同一啲串烧。虫草花胶鸡汤乌冬，浓浓嘅花胶鸡汤，入面非常足料，坚花胶有两旧，仲大大旧，鸡件都唔少，肉质嫩滑，仲有虫草添。碗汤真系真材实料、好浓郁，无味精，我地成碗饮哂。招牌鸡汤云吞，云吞有6粒，皮薄，饀都系足料，虾新鲜弹牙，满满猪肉啖啖啖肉。虫草花杞子浸翡翠苗，鸡汤浸住，翡翠苗吸收哂全部精华，好食徤康。串烧就叫左羊肉串 、茄子、鸡全翼、台湾肠。串烧上枱热辣辣香喷喷，最正系烧茄子，外貌偏橙色应该系辣粉既颜色，加上好多浓浓嘅蒜蓉，啱哂我口味。下次要黎试埋呢个椰子鸡汤准山面。