養心殿台式養生鍋 (已結業)

平时都比较少行到黎棉登径呢头，原来都开咗唔少食肆。酸菜白肉锅汤底方面，唔少都系出面比较少见嘅，例如有美人锅、养生锅，入面都加入咗唔同嘅药材。 最后拣咗款清清地嘅酸菜白肉锅。本来以为锅入面只会有少量配菜，但估唔到一打开就见到系足有一锅配菜，变得非常抵食。酸菜白肉锅入面大致有腌制大白菜、猪花腩、蕃茄同埋QQ阔条面涮锅小羔羊肉片好明显食得出羊肉片系有少少嘅羊骚味，但系绝对系容易接受嘅味道，食落肉质鲜嫩，而且味道丰富。 海鲜拼盘打边炉最钟意嗌呢类拼盘， 唔怕嗌得太多嘢食，又可以试多几款式食材。呢个海鲜拼盘有海虾、带子同埋九孔，即系鲍鱼。海虾好新鲜，上枱时仲好生猛，肉质厚实而且充满鲜味。手工丸类拼盘咁啱卖晒芝士牛肉丸，所以多左两粒黑松露虾丸。黑松露虾丸入口弹牙，又好重黑松露味。另外仲有鹅肝墨鱼丸、 虾丸、墨鱼丸同埋梅菜猪肉丸。什锦蔬菜盘本来以为只会有绿色蔬菜唔会有菇类，又估唔到会有几款菇，仲有埋粟米。食台湾嘢梗系要嗌埋台湾小食，盐酥鸡炸得香脆又可口，鸡件唔会太细件，食落好有口感。原来酸菜白肉锅仲可以追加多一份酸菜白肉，千祈唔好错过。