影片
更多
2023-04-28
2447 浏览
早两月已经喺媒体知道呢间虾面专门店嘅存在，亦好佩服有人肯咁纯粹咁坚持用人手同每日几个钟去熬制一个虾汤底，相信喺日本都未必有拉面店会咁做，所以千方百计揾机会去试，今晚，亦体会到顾客嘅热情。 夜晚7点10分到达，门前已有人龙，数数店内仅有7个位(吧台本来有两个位，但如果坐埋客，会阻塞厨房嘅出路，所以坐晒得七个位)应该要等一转。 排紧队都已经闻到好浓烈嘅虾香味，现场所见，食客都好体谅，用餐完都即时腾空座位以便其他客人帮衬。呢次排咗45分钟先到我入座，如果大家想食，不妨早少少到，除咗节省排队时间，亦可避免食品沽清。 当日店家只卖一款虾汤底。可选拉面或刀削面。配菜本来可以拣溏心蛋、鲍鱼、虾同海螺，不过除溏心蛋外乜都卖晒，所以只系试到溏心蛋。店内见到梦王嘅旗仔，应该店内卖嘅都系呢款高级日本蛋。店内亦有供应汽水、波子汽水及啤酒等饮品。酱油虾浓汤面$118期待以久嘅虾面由老板兼厨师DOMINIC双手捧上枱，已见到浓稠嘅虾汤底，虾味扑脸而来，已经令我食欲大振，随后DOMINIC手持一个日式小茶壶过嚟，话添加一啲鲜虾油比我试吓，建议先呷一啖虾汤先，再试吓加咗虾
早两月已经喺媒体知道呢间虾面专门店嘅存在，亦好佩服有人肯咁纯粹咁坚持用人手同每日几个钟去熬制一个虾汤底，相信喺日本都未必有拉面店会咁做，所以千方百计揾机会去试，今晚，亦体会到顾客嘅热情。
夜晚7点10分到达，门前已有人龙，数数店内仅有7个位(吧台本来有两个位，但如果坐埋客，会阻塞厨房嘅出路，所以坐晒得七个位)应该要等一转。
排紧队都已经闻到好浓烈嘅虾香味，现场所见，食客都好体谅，用餐完都即时腾空座位以便其他客人帮衬。呢次排咗45分钟先到我入座，如果大家想食，不妨早少少到，除咗节省排队时间，亦可避免食品沽清。
当日店家只卖一款虾汤底。可选拉面或刀削面。配菜本来可以拣溏心蛋、鲍鱼、虾同海螺，不过除溏心蛋外乜都卖晒，所以只系试到溏心蛋。店内见到梦王嘅旗仔，应该店内卖嘅都系呢款高级日本蛋。店内亦有供应汽水、波子汽水及啤酒等饮品。
酱油虾浓汤拉面(刀削面)
$118
27 浏览
0 赞好
0 留言
酱油虾浓汤面$118
期待以久嘅虾面由老板兼厨师DOMINIC双手捧上枱，已见到浓稠嘅虾汤底，虾味扑脸而来，已经令我食欲大振，随后DOMINIC手持一个日式小茶壶过嚟，话添加一啲鲜虾油比我试吓，建议先呷一啖虾汤先，再试吓加咗虾油嘅虾汤。
酱油虾浓汤拉面(刀削面)
$118
30 浏览
0 赞好
0 留言
虾汤本身已经鲜甜到极，再试虾油汤，真系哗一声叫出嚟𠮶种虾味系可以用爆发嚟形容。好似食紧虾头咁，不过真系少食多滋味，如果落太多反而太浓味。
酱油虾浓汤拉面(刀削面)
$118
21 浏览
1 赞好
0 留言
酱油虾浓汤拉面
$118
15 浏览
0 赞好
0 留言
我拣咗刀削面，质地烟烟韧韧，不过就唔及拉面咁挂汤，呢款拉面有明显蛋香，同虾汤比较夹。汤底仲有大量樱花虾，京葱做配料，食落脆口同增添香气。
酱油虾
20 浏览
1 赞好
0 留言
厨师好细心，跟面𠮶3只虾都已经剥咗壳，轻轻整甩虾头就成只就咁食，虾预先用辣椒日本酱油腌制，虾肉新鲜弹牙，少少辣，好似食摊冻白灼虾嘅感觉。
溏心蛋$15
溏心蛋味道正路，不过稍嫌腌制时间太短，未够入味，如果可以浸过夜相信风味更好。不如如果系用梦王，成本都成$5只，可见老板真系不惜工本。食完面当然连汤都饮埋，睇过之前食评话份量少，我唔知系咪份量调整过，不过我食完面，加只蛋再饮晒碗汤，其实同其他日式拉面一样咁饱肚㖞。
食过马来虾面，或日式嘅虾汤面，都唔及植幕宵嘅虾汤咁纯粹浓郁鲜甜，难怪老板话每日剥虾壳都要4,5个钟，而且都只系做到130碗面左右。老板喺我埋单时话，不久将来会出蚝汤底拉面，一样系不计成本去做。不过只要食过一次，必然对个虾汤念念不忘，既然可以做到独步武林嘅世一虾汤，独沽一味都可以其门如市，期待下次试埋鲍鱼海螺。
张贴
